T20 WC: 19 ஆண்டுக்கால சாபத்தை உடைத்த ஹாரி புரூக்.. உலகில் யாரும் செய்யாத சாதனை.. பாகிஸ்தான் பாவம்

பல்லக்கல்லே: ஐசிசி டி20 உலகக் கோப்பை 2026 தொடரில் பாகிஸ்தானுக்கு எதிரான சூப்பர் 8 போட்டியில் இங்கிலாந்து அணி கேப்டன் ஹாரி புரூக் சதம் அடித்து புதிய உலக சாதனையை படைத்துள்ளார். பல்லக்கல்லேவில் நடைபெற்ற இந்த ஆட்டத்தில், அவர் 51 பந்துகளில் 100 ரன்கள் குவித்து, உலகக் கோப்பையில் சதம் அடித்த முதல் கேப்டன் என்ற பெருமையைப் பெற்றார். இந்த ஆட்டத்தில் இங்கிலாந்து அணி 2 விக்கெட் வித்தியாசத்தில் பாகிஸ்தானை வென்றது.

26 வயதான வலது கை பேட்ஸ்மேனான புரூக், இங்கிலாந்து அணிக்குத் தலைமை தாங்கி வருகிறார். தற்போதைய உலகக் கோப்பையில் தனது சதத்தை எட்ட அவருக்கு 50 பந்துகள் மட்டுமே தேவைப்பட்டன. இங்கிலாந்தின் 165 ரன் இலக்கை துரத்தும் போது, 17வது ஓவரின் ஐந்தாவது பந்தில் ஷஹீன் ஷா அப்ரிடியின் பந்தில் பவுண்டரி அடித்து அவர் சதத்தை நிறைவு செய்தார்.

மூன்றாவது வீரராக களமிறங்கிய ஹாரி புரூக், தனது இன்னிங்ஸில் 10 பவுண்டரிகள் மற்றும் 4 சிக்ஸர்கள் விளாசினார். 196.07 என்ற ஸ்ட்ரைக் ரேட்டில் ஆடினார். எனினும், 17வது ஓவரின் கடைசிப் பந்தில் ஷஹீன் அப்ரிடியால் வீழ்த்தப்பட்டு ஆட்டமிழந்தார்.

T20 WC: இந்திய அணி இதை செய்தால் போதும், அரையிறுதி வாய்ப்பு உறுதி.. அணில் கும்ப்ளே அறிவுரை

முன்னதாக, டி20 உலகக் கோப்பையில் அணி கேப்டன்கள் அடித்த அதிகபட்ச ரன்கள் என்ற சாதனை மேற்கிந்திய தீவுகளின் கிறிஸ் கெய்ல் வசம் இருந்தது. அவர் 2010 மே 9 அன்று பிரிட்ஜ்டவுனில் இந்தியாவுக்கு எதிராக 66 பந்துகளில் 98 ரன்கள் எடுத்திருந்தார். இந்த பட்டியலில் அயர்லாந்தின் லோர்கன் டக்கர் 94* ரன்கள் மற்றும் இந்தியாவின் ரோஹித் ஷர்மா 92 ரன்கள் ஆகியோரும் இடம் பெற்றுள்ளனர்.

தற்போதைய 2026 டி20 உலகக் கோப்பை தொடரில் சதம் அடித்த நான்காவது வீரர் ஹாரி புரூக் ஆவார். அவருக்கு முன், கனடாவின் யுவராஜ் சாம்ரா 65 பந்துகளில் 110 ரன்கள், இலங்கையின் பதும் நிஸ்ஸங்கா 52 பந்துகளில் 100* ரன்கள் மற்றும் பாகிஸ்தானின் சாஹிப்சாதா ஃபர்ஹான் 58 பந்துகளில் 100* ரன்கள் குவித்து சதம் அடித்திருந்தனர்.

T20 WC: அரையிறுதிக்கு தகுதி பெற இந்திய அணி 183 ரன்கள் வித்தியாசத்தில் வெற்றி பெறனும்- ஹர்பஜன் சிங்

ஐசிசி ஆடவர் டி20 உலகக் கோப்பை வரலாற்றில், ஹாரி புரூக்கிற்கு முன் அலெக்ஸ் ஹேல்ஸ் மற்றும் ஜோஸ் பட்லர் என இரண்டு இங்கிலாந்து வீரர்கள் மட்டுமே சதம் அடித்திருந்தனர். ஹேல்ஸ் 2014 மார்ச் 27 அன்று இலங்கைக்கு எதிராக 64 பந்துகளில் 116 ரன்களும், பட்லர் 2021 நவம்பர் 1 அன்று இலங்கைக்கு எதிராக 67 பந்துகளில் ஆட்டமிழக்காமல் 101 ரன்களும் எடுத்திருந்தனர்.