டி20 உலககோப்பை 2026: அதிக ரன்கள், அதிக சிக்சர்கள், அதிக விக்கெட் வீழ்த்திய வீரர்களின் முழு பட்டியல்

அகமதாபாத்: 2026 டி20 உலக கோப்பை கிரிக்கெட் தொடரின் சாம்பியன் பட்டத்தை 3வது முறையாக இந்திய அணி வென்று சாதனை படைத்துள்ளது. இதன் மூலம், இந்திய அணி பல்வேறு சாதனைகளை படைத்துள்ளது. 3 முறை கோப்பையை வென்ற ஒரே அணி, சொந்த மண்ணில் கோப்பை வென்ற முதல் அணி, தொடர்ந்து 2 முறை கோப்பை வென்ற அணி என்ற பல்வேறு சாதனைகளை படைத்துள்ளது.

கடந்த ஒரு மாதமாக ரசிகர்களுக்கு விருந்த படைத்த இந்த தொடரில் பல்வேறு சாதனைகள் உடைக்கப்பட்டது. இந்த தொடரில் அதிக ரன்கள், அதிக விக்கெட், சிக்சர் அடித்த வீரர்கள் குறித்து தற்போது பார்க்கலாம்.

அதிக ரன்கள் குவித்தவர்கள்

பாகிஸ்தான் அணியின் தொடக்க வீரர் சாஹிப்சாதா ஃபர்ஹான், இரண்டு அதிரடி சதங்கள் உட்பட 383 ரன்கள் குவித்து, இந்தத் தொடரின் அதிக ரன் குவித்தவர் பட்டியலில் முதலிடம் பிடித்தார். இந்திய அணியின் சஞ்சு சாம்சன், 199.38 ஸ்ட்ரைக் ரேட்டுடன் 321 ரன்கள் குவித்து இரண்டாவது இடம் பிடித்தார். இஷான் கிஷன் 317 ரன்களுடனும், நியூசிலாந்தின் டிம் சைஃபர்ட் 326 ரன்கள் மற்றும் ஃபின் ஆலன் 298 ரன்கள் ஆகியோர் அடுத்தடுத்த இடங்களைப் பிடித்தனர்.

IND vs NZ: பைனலில் சஞ்சு சாம்சன் மாபெரும் சாதனை.. சிக்சர் அடித்து மைல்கல்லை எட்டினார்

அதிக அரைசதங்கள் (50+) அடித்தவர்கள்

பல பேட்டர்கள் தொடர்ந்து 50 ரன்கள் சாதனையை கடந்தனர். இதில், இந்திய அணியின் சஞ்சு சாம்சன், நியூசிலாந்தின் டிம் சைஃபர்ட் மற்றும் இஷான் கிஷன் ஆகியோர் தலா மூன்று அரைசதங்களை அடித்து இந்த பட்டியலில் முன்னிலை வகித்தனர். இவர்களுடன் ஜிம்பாப்வே வீரர் பிரையன் பென்னட் 3 அரைசதங்கள் மற்றும் எய்டன் மார்க்ரம் 3 அரைசதங்கள் ஆகியோரும் இணைந்து சிறப்பாகச் செயல்பட்டனர்.

அதிக சதம் அடித்தவர்கள்

இந்த உலகக் கோப்பைத் தொடரில் மொத்தம் ஆறு சதங்கள் பதிவு செய்யப்பட்டன. பாகிஸ்தானின் சாஹிப்சாதா ஃபர்ஹான் மட்டுமே இரண்டு சதங்களை அடித்து தனித்து விளங்கினார். நியூசிலாந்தின் ஃபின் ஆலன், மேற்கிந்திய தீவுகளின் ஜேக்கப் பெத்தெல், இங்கிலாந்தின் ஹாரி புரூக், இலங்கையின் பதும் நிசங்கா மற்றும் கனடா வீரர் யுவராஜ் சாம்ரா ஆகியோரும் தலா ஒரு சதம் அடித்து அசத்தினர்.

அதிகபட்ச தனிநபர் ஸ்கோர்

இளம் வீரரான யுவராஜ் சாம்ரா, நியூசிலாந்துக்கு எதிராக 110 ரன்கள் குவித்து, இந்தத் தொடரின் அதிகபட்ச தனிநபர் ஸ்கோர் சாதனையைப் படைத்தார். வெறும் 65 பந்துகளில் 11 பவுண்டரிகள் மற்றும் 6 சிக்ஸர்களுடன் இந்த ரன்களை விளாசினார். இங்கிலாந்தின் ஜேக்கப் பெத்தெல் 48 பந்துகளில் 105 ரன்கள் மற்றும் நியூசிலாந்தின் ஃபின் ஆலன் 33 பந்துகளில் 100 ரன்கள் ஆகியோரும் அசத்தலான இன்னிங்ஸ்களை ஆடினர். இவர்களைத் தொடர்ந்து ஹாரி புரூக் பதும் நிசங்கா ஆகியோரும் ஒரு சதம் அடித்தனர்.

அதிக சிக்ஸர்கள்

சிக்ஸர் மழை பொழிந்ததில் இந்திய அணியின் சஞ்சு சாம்சன் முதலிடம் பிடித்தார். அவர் மொத்தம் 24 சிக்ஸர்களுடன் தொடர் முழுவதும் அதிரடி காட்டினர். நியூசிலாந்தின் ஃபின் ஆலன் 20 சிக்ஸர்களுடனும், மேற்கிந்திய தீவுகளின் ஷிம்ரோன் ஹெட்மையர் 19 சிக்ஸர்களுடனும், பாகிஸ்தானின் சாஹிப்சாதா ஃபர்ஹான் 18 சிக்ஸர்களுடனும், இந்தியாவின் இஷான் கிஷன் 18 சிக்ஸர்களுடனும் அடுத்தடுத்த இடங்களைப் பிடித்தனர்.

அதிக விக்கெட்டுகளை வீழ்த்தியவர்கள்

பந்துவீச்சுப் பட்டியலில் கடும் போட்டி நிலவியது. இந்திய அணியின் நட்சத்திர வேகப்பந்து வீச்சாளர் ஜஸ்பிரித் பும்ரா, 12.43 என்ற சராசரியுடன் 14 விக்கெட்டுகளைக் கைப்பற்றி முதலிடம் பிடித்தார். அவருடன் இந்திய சுழற்பந்து வீச்சாளர் வருண் சக்கரவர்த்தியும் 14 விக்கெட்டுகளை வீழ்த்தினார். ஆனால் பும்ராவின் சிறந்த சராசரி அவருக்குப் பட்டியலின் முதலிடம் இடம்பிடிக்க உதவியது. ஷாட்லி வான் ஷால்விக், பிளெஸ்ஸிங் முசராபானி மற்றும் அடில் ரஷித் ஆகியோர் தலா 13 விக்கெட்டுகளை வீழ்த்தினர்.

சிறந்த பந்துவீச்சு புள்ளிவிவரங்கள்

பல பந்துவீச்சாளர்கள் போட்டியின் போக்கையே மாற்றிய சிறப்பான பந்துவீச்சுத் திறனை வெளிப்படுத்தினர். ஸ்கோட்லாந்துக்கு எதிராக மேற்கிந்தியத் தீவுகளின் ரொமாரியோ ஷெப்பர்ட் 20 ரன்களுக்கு 5 விக்கெட்டுகளை வீழ்த்தியது இந்தத் தொடரின் சிறந்த பந்துவீச்சாக அமைந்தது. கனடாவுக்கு எதிராக பாகிஸ்தானின் ஜுனைத் சித்திக் 35 ரன்களுக்கு 5 விக்கெட்டுகளையும், ஆப்கானிஸ்தானின் முகமது நபி கனடாவுக்கு எதிராக 7 ரன்களுக்கு 4 விக்கெட்டுகளையும் கைப்பற்றி அசத்தினர். நதன் எல்லிஸ் 4/12 மற்றும் அஸ்மத்துல்லா ஒமர்சாய் 4/15) ஆகியோரும் குறிப்பிடத்தக்க பங்களிப்பை வழங்கினர்.பைனலில் பும்ரா 4 விக்கெட்டுகளை வீழ்த்தி 15 ரன்கள் விட்டு கொடுத்தார்.

அதிகபட்ச அணி ஸ்கோர்கள்

இந்த உலகக் கோப்பைத் தொடரில் பல அணிகள் 200 ரன்களுக்கு மேல் குவித்தன. ஜிம்பாப்வே அணிக்கு எதிராக மேற்கிந்தியத் தீவுகள் பதிவு செய்த 254/6 ரன்கள், இந்தத் தொடரின் அதிகபட்ச அணி ஸ்கோராகப் பதிவானது. இந்தச் சாதனையைத் தொடர்ந்து, இந்தியா ஜிம்பாப்வேக்கு எதிராக 256/4, நியூசிலாந்துக்கு எதிராக 255/5, மற்றும் இங்கிலாந்துக்கு எதிராக 253/7 என்று வலுவான ஸ்கோர்களை எட்டியது. இங்கிலாந்து அணியும் இந்தியாவுக்கு எதிராக 246/7 என்ற அதிகபட்ச ரன் எண்ணிக்கையைப் பதிவு செய்தது.

டி20 உலககோப்பை 3வது முறையாக வென்று இந்திய அணி சரித்திர சாதனை.. பைனலில் நியூசிலாந்தை காலி செய்தது

அதிக ரன் வித்தியாசத்தில் வென்ற ஆட்டங்கள்

அதிக ரன் வித்தியாசத்தில் வெற்றிகளைப் பதிவு செய்ததிலும் சில அணிகள் ஆதிக்கம் செலுத்தின. இந்திய அணி ஐந்து பெரிய வெற்றிகளில் மூன்றை பதிவு செய்தது. ஜிம்பாப்வேயை 107 ரன்கள் வித்தியாசத்தில் மேற்கிந்தியத் தீவுகள் வீழ்த்தியது இந்தத் தொடரின் மிகப்பெரிய வெற்றியாக இருந்தது. இலங்கை ஓமனுக்கு எதிராக 105 ரன்கள் வித்தியாசத்திலும், பாகிஸ்தான் நமீபியாவுக்கு எதிராக 102 ரன்கள் வித்தியாசத்திலும், அயர்லாந்து ஓமனுக்கு எதிராக 96 ரன்கள் வித்தியாசத்திலும், இந்தியா நியூசிலாந்துக்கு எதிராக 96 ரன்கள் வித்தியாசத்திலும் வெற்றிகளைப் பதிவு செய்தன.