டி20 உலககோப்பை தொடர் - அதிக ரன்கள் அடித்த இந்திய வீரர்கள் யார்? ஒவ்வொரு தொடரிலும் யார் முதலிடம்?

டாப் ஸ்கோர்

2007ஆம் ஆண்டு டி20 உலககோப்பையில் இந்திய அணி சாம்பியன் பட்டம் வென்றது அந்த தொடரில் கம்பீர் 227 ரன்களை விளாசி இருக்கிறார். இதனைத் தொடர்ந்து 2009ஆம் ஆண்டு டி20 உலககோப்பை தொடரில் இந்தியா அரையிறுதி சுற்றுக்கு செல்லவில்லை. இந்த தொடரில் யுவராஜ் சிங் 153 ரன்களை அடித்துள்ளார்.

ரெய்னா சதம்

இதே போன்று 2010ஆம் ஆண்டு வெஸ்ட் இண்டீசில் நடைபெற்ற டி20 உலகக் கோப்பை தொடரில் இந்தியா சூப்பர் 6 சுற்றுடன் வெளியேறியது. இதில் ரெய்னா 219 ரன்களை அடித்துள்ளார். இதில் ஒரு சதம் அடங்கும். 2012ஆம் ஆண்டு இலங்கையில் நடைபெற்ற டி20 உலககோப்பையில் இந்தியா அரையிறுதி செல்லவில்லை. அதில் விராட் கோலி 185 ரன்களை அடித்திருக்கிறார்.

விராட் கோலி சாதனை

2014ஆம் ஆண்டு வங்கதேசத்தில் நடைபெற்ற டி20 உலககோப்பை தொடரில் இந்திய அணி இறுதிப் போட்டி வரை சென்று தோல்வியை தழுவியது. இதில் விராட் கோலி 319 ரன்களை விளாசினார். ஒரு டி20 உலககோப்பை தொடரில் அதிக ரன்கள் அடித்த வீரர் என்ற சாதனை தற்போது வரை கோலியின் கைவசமே உள்ளது.

கேஎல் ராகுல்

2016ஆம் ஆண்டு டி20 உலககோப்பையில் விராட் கோலி 273 ரன்களை அதிகபட்சமாக விளாசினார். அந்த தொடரில் அதிகபட்சமான ஸ்கோரும் அது தான். அந்த தொடரில் இந்தியா அரையிறுதி ஆட்டம் வரை சென்றது. 2021ஆம் ஆண்டு டி20 உலககோப்பை தொடரில் ராகுல் 194 ரன்கள் எடுத்தார். இதில் இந்திய அணி சூப்பர் 12 சுற்றிலேயே வெளியேறியது.