ஒரே டி20 போட்டியில் 8 விக்கெட்.. 22 வயதான பூட்டான் வீரர் உலக சாதனை.. முழு விவரம்

பூட்டான் நாட்டை சேர்ந்த 22 வயதான இடது கை சுழற்பந்து வீச்சாளர் சோனம் யேஷே, சர்வதேச டி20 கிரிக்கெட்டில் ஒரு வரலாற்று சாதனையை மேற்கொண்டுள்ளார். டெஸ்ட் கிரிக்கெட்டில் கும்ப்ளே, ஜிம் லேக்கர், ஏஜாஸ் பட்டேல் போன்ற வீரர்கள் ஒரே இன்னிங்சில் 10 விக்கெட் எடுத்துள்ளனர். ஆனால் வெள்ளை நிற கிரிக்கெட் பந்து போட்டிகளில் இது சாத்தியம் கிடையாது.

காரணம், டெஸ்ட் போட்டிகளில் ஒரு பவுலர் எத்தனை ஓவர்களை வேண்டுமானாலும் வீசலாம். ஆனால், டி20 போட்டியில் 4 ஓவர்களையும், ஒருநாள் போட்டியில் 10 ஓவர்களை மட்டுமே வீரர்கள் அதிகமாக வீச முடியும். இந்த சூழலில், ஆண்கள் டி20 சர்வதேசப் போட்டியில், ஒரே ஆட்டத்தில் 8 விக்கெட்டுகளை வீழ்த்திய முதல் பந்துவீச்சாளர் என்ற சாதனையை பூட்டானை சேர்ந்த சோனம் படைத்துள்ளார்.

பூட்டானின் கெலேஃபு மைண்ட் ஃபுல்னெஸ் நகரில் மியான்மருக்கு எதிரான மூன்றாவது டி20 போட்டியில் இந்த அரிய சாதனை நிகழ்ந்தது. தனது நான்கு ஓவர்களில் வெறும் 7 ரன்களுக்கு 8 விக்கெட்டுகளைக் கைப்பற்றி அவர் அசத்தினார். பூட்டான் 127 ரன்களுக்கு 9 விக்கெட்டுகளை எடுத்த நிலையில், மியான்மர் அணி 45 ரன்களுக்கு சுருண்டது.

இது ஒரு உலக சாதனை ஆகும். இது குறித்து பூட்டான் கிரிக்கெட் சங்கம், தங்கள் எக்ஸ் தளத்தில், "காலத்தால் அழியாத பந்துவீச்சு! சோனம் யேஷேயின் நம்ப முடியாத 8/7 ஒரு உலக சாதனையாகும்" எனப் பாராட்டியுள்ளது.
ஆண்கள் டி20 சர்வதேசப் போட்டிகளில் இதற்கு முந்தைய சிறந்த பந்துவீச்சு, 2023 ஆம் ஆண்டில் மலேசியாவின் வேகப்பந்து வீச்சாளர் சியாஸ்ருல் இட்ரூஸ் சீனாவுக்கு எதிராக வீழ்த்திய 7 விக்கெட்டுகளாகும். சியாஸ்ருல் இட்ரூஸையும் சேர்த்து, பஹ்ரைனின் அலி தாவூத் மட்டுமே (இந்த ஆண்டு பூட்டானுக்கு எதிராக 19 ரன்களுக்கு 7 விக்கெட்டுகள்) சர்வதேச டி20-யில் 7 விக்கெட்டுகளைக் கைப்பற்றியுள்ளார்.

ஒட்டுமொத்த டி20 போட்டிகளைப் பொறுத்தவரை, நெதர்லாந்தின் காலின் அக்கெர்மன் (2019-ல் லீசெஸ்டர்ஷைருக்காக பர்மிங்காம் பியர்ஸுக்கு எதிராக 18 ரன்களுக்கு 7 விக்கெட்டுகளை) மற்றும் வங்கதேசத்தின் டாஸ்கின் அகமது (இந்த ஆண்டு டாக்கா கேப்பிடல்ஸுக்கு எதிராக 19 ரன்களுக்கு 7 விக்கெட்டுகளை) ஆகியோர் மட்டுமே 7 விக்கெட்டுகளைக் கைப்பற்றிய