என்னங்க மேடம் இது.. என்ன பண்றீங்க.. அனுஷ்கா போட்ட போட்டோ.. உடனே வைரல்

அனுஷ்கா சர்மாவின் புகைப்படம்

கொரோனா வைரஸ் ஒழிப்புக்கு எதிராக தொடர்ந்து குரல் கொடுத்து வருகிறார்கள் விராட் கோலி மற்றும் அனுஷ்கா சர்மா. நிதியுதவியும் அளித்துள்ளனர். இந்த நிலையில் ஒரு புதிய போட்டோவை போட்டுள்ளார் அனுஷ்கா சர்மா. அதில் குடும்பத்தோடு அமர்ந்து மோனோபாலி ஆட்டம் ஆடுவது போல அதில் உள்ளது. படு ஜாலியாக குடும்பத்தினர் இந்த விளையாட்டை விளையாடியுள்ளனர். முகங்களைப் பார்த்தாலே அது தெரிகிறது.

பெருமையுடன் ஒரு டிவீட்

கூடவே ஒரு அருமையான கேப்ஷனும் போட்டுள்ளார் அனுஷ்கா. அதில், நமக்கு எப்படி நடக்க வேண்டும், எப்படி சாப்பிட வேண்டும், எப்படி அடுத்தவர்களை மதிக்க வேண்டும் என்பது உள்ளிட்டவற்றை கற்றுக் கொடுத்தவர்களுடன் இணைந்து ஆடிக் கொண்டுள்ளோம். இந்த உலகத்தை எப்படி சந்திக்க வேண்டும் என்பதை சொல்லிக் கொடுத்தவர்கள் இவர்கள் என்று பெருமையுடன் கூறியுள்ளார் அனுஷ்கா சர்மா.

பாதுகாப்பா வீட்டோடு இருங்க

அனைவரும் வீடுகளிலேயே இருங்கள். உங்களையும் பாதுகாத்து மற்றவர்களையும் பாதுகாத்துக் கொள்ளுங்கள் என்று அவர் கூறியுள்ளார். மேலும், இந்தப் போட்டி செமையாக இருந்தது. கடும் போட்டியும் கூட. யார் ஜெயிச்சான்னு உங்களால கெஸ் பண்ண முடியுதா என்றும் கேட்டுள்ளார். யார் ஜெயிச்சாங்களோ தெரியாது.. கண்டிப்பாக அனுஷ்காவுக்கு விராட் விட்டுக் கொடுத்திருப்பானு நம்பலாம்.. விட்டுக் கொடுக்காம இருந்துர முடியுமா என்ன!

விராட் கோலியும் அனுஷ்கா சர்மாவும்

மறுபக்கம் விராட் கோலியும் சமூக வலைதளங்களில் பிசியாக இருக்கிறார். கெவின் பீட்டர்சனுடன் இன்ஸ்டாகிராமில் ஒரு லைவ் போட்டார். அப்போது பல கேள்விகளுக்கு ஜாலியாக பதிலலித்தார். அப்போது அவர் கூறுகையில், நானும் அனுஷ்காவும் இதுவரை ரொம்ப நாட்கள் ஒரே இடத்தில் இருந்ததில்லை. இப்போதுதான் முதல் முறையாக நீண்ட நாட்கள் சேர்ந்து இருக்கிறோம் என்று கூறியிருந்தார்.