Click it and Unblock the Notifications
முதல் போட்டி
ஒருநாள் கிரிக்கெட் தொடருக்கான இந்திய அணியில் ரோகித் சர்மா, விராட் கோலி, கே.எல்.ராகுல் உள்ளிட்ட சீனியர் வீரர்களுக்கு ஓய்வு தரப்பட்டுள்ளதால் ஷிகர் தவான் தலைமையில் இளம் படை தான் களமிறங்குகிறது. ஏற்கனவே தென்னாப்பிரிக்கா, அயர்லாந்து தொடர்களில் வெற்றியை பதிவு செய்துள்ள இந்த இளம்படை இதிலும் சாதிக்கும் என எதிர்பார்க்கப்படுகிறது.
2 சாதனைகள்
இந்நிலையில் இன்றைய போட்டியில் 2 வரலாற்று சாதனை படைக்கப்படவுள்ளது. அதாவது கடந்த 16 ஆண்டுகளில் வெஸ்ட் இண்டீஸ் அணிக்கு எதிராக ஒரு 50 ஓவர் கிரிக்கெட் தொடரில் கூட இந்திய அணி தோற்கவில்லை. 2006 முதல் தற்போது வரை தொடர்ச்சியாக 11 தொடர்களை கைப்பற்றியுள்ளது. இதன் மூலம் ஒரு அணிக்கு எதிராக தொடர்ச்சியாக அதிக வெற்றிகளை பெற்ற அணிகளின் பட்டியலில் இந்தியா - பாகிஸ்தான் அணிகள் முதலிடத்தில் உள்ளன. பாகிஸ்தான் அணியும் ஜிம்பாவேவுடன் 11 வெற்றிகளை பெற்றுள்ளது.
ஒட்டுமொத்த வெற்றிகள்
எனவே இன்று தொடங்கும் 3 போட்டிகள் கொண்ட ஒருநாள் தொடரையும் கைப்பற்றிவிட்டால், பாகிஸ்தானை பின்னுக்கு தள்ளிவிட்டு, முதலிடத்தை தனியாக கைப்பற்றிவிடும். ஒட்டுமொத்தமாக இதுவரை வெஸ்ட் இண்டீஸுக்கு எதிராக 136 ஒருநாள் போட்டிகளில் விளையாடியுள்ள இந்திய அணி 67 வெற்றிகளை பதிவு செய்துள்ளது.
2வது பெருமை
இந்த தொடரைக் கைப்பற்றவில்லை என்றாலும், இன்றைய முதல் போட்டியில் வெற்றி பெற்றால் கூட வரலாற்று சாதனை தான். அதாவது அயல்நாட்டில் உள்ள ஒரு மைதானத்தில் அதிக வெற்றி சதவீதத்தை வைத்துள்ள அணியாக இந்தியா சாதனை படைக்கும். தற்போது வரை குயின்ஸ் பார்க் மைதானத்தில் இந்திய அணி 10 போட்டிகளில் விளையாடி 7 வெற்றிகளை பெற்றுள்ளது. வெற்றி விகிதம் 3.25 ஆகும்.
Continue with Google