வைரலான டோணி... மீண்டும் கலக்கப்போகும் சென்னை சூப்பர் கிங்ஸ்...டுவிட்டரில் கொண்டாட்டம்

டெல்லி: மஞ்சள் நிற ஜெர்சியில் டோணி கொடுத்த போஸ்தான் இன்றைய டிவிட்டர் ஹிட். மீண்டும் டோணியை சென்னை சூப்பர் கிங்ஸ்ல பார்த்த ரசிகர்கள் 'வாழ்த்துக்கள் தல' என்று வரவேற்று உற்சாகத்தை கொட்டி வருகிறார்கள். இதனால் ஐபிஎல் போட்டி எதிர்பார்ப்பு அதிகரித்துள்ளது.

மீண்டும் திரும்பி வந்துள்ள சென்னை சூப்பர் கிங்ஸ் பழையபடி வெற்றிகளைக் குவிக்குமா என்று ரசிகர்கள் மத்தியில் எதிர்பார்ப்பைக் கிளப்பியுள்ளது.

மஞ்சள் நிற ஜெர்சியில் டோணி காட்சி தருகிறார். அவரது ஜெர்சியின் பின்னால் தல என்று ஆங்கிலத்தில் எழுதப்பட்டுள்ளது. அவரது ஜெர்சி எண் 7ம் அதில் பொறிக்கப்பட்டுள்ளது. இந்தப் புகைப்படத்தை டோணி தனது இன்ஸ்டாகிராமில் போட்டுள்ளார்.

சென்னை சூப்பர் கிங்ஸ் மீண்டும் வருவதை ரசிகர்கள் இணைய உலகில் கொண்டாட ஆரம்பித்துள்ளனர். டுவிட்டரில் உற்சாகப்படுத்தும் ரசிகர்கள், 3வது முறையும் சென்னை சூப்பர் கிங்ஸ் கோப்பை வெல்ல இப்போதே வாழ்த்துக்களை பரிமாறிக்கொண்டுள்ளனர்.