பாகிஸ்தான் கேப்டன் தான்.. ஆனா பொண்ணு "நம்ம" ஊரு பாஸ்!!

பாகிஸ்தான் கேப்டன்

பாகிஸ்தான் மகளிர் அணியின் கேப்டன்தான் சனா மிர். ஒரு நாள் கிரிக்கெட்டில் 100 விக்கெட் சாய்த்த முதல் பாகிஸ்தான் வீராங்கனை இவர்தான்.

1000 ரன்கள்

அதேபோல சர்வதேச அளவில் ஒரு நாள் கிரிக்கெட் போட்டிகளில் 1000 ரன்களைக் குவித்த 6வது வீராங்கனையாகவும் சனா மிர் திகழ்கிறார்.

காஷ்மீரி

சனா மிர்ருக்கும், இந்தியாவுக்கும் ஒரு தொடர்பு உள்ளது. ஆம், இவரது பூர்வீகம் காஷ்மீராகும். இவரது குடும்பம் சிறு வயதிலேயே காஷ்மீரிலிருந்து இடம் பெயர்ந்து பாகிஸ்தானுக்கு வந்து விட்டது.

பின்லேடன் கொல்லப்பட்ட அபோதாபாத்

சனா மிர் குடும்பம் அல் கொய்தா தலைவர் பின்லேடன் கொல்லப்பட்ட அபோதாபாத்தில் வசிக்கிறது. சர்வதேச அளவில் 6வது ரேங்கில் உள்ள சிறந்த பந்து வீச்சாளர் சனா மிர்.

சாதனையாளர்

சனா மிர்ரின் சாதனைகள் மிகப் பெரியது. இவரது கேப்டன்ஷிப்பில் பல சாதனைகளை அந்த நாட்டு மகளிர் அணி செய்துள்ளது. ஆசிய விளையாட்டுப் போட்டிகளில் 2 முறை தங்கப் பதக்கம் வென்றுள்ளனர். 2008 மகளிர் உலகக் கோப்பை தகுதிச் சுற்றுப் போட்டியில் தொடர் நாயகியாக தேர்வானவர். கடந்த 9 வருடமாக மகளிர் தர வரிசைப் பட்டியலில் டாப் 20க்குள் நீடிப்பவர்.

இம்ரான் கானின் ரசிகை

இவர் இம்ரான் கானின் ரசிகை. இம்ரான் கான் மட்டுமே பாகிஸ்தானுக்காக கிரிக்கெட் உலகக் கோப்பையைப் பெற்றுக் கொடுத்துள்ளார். அதன் பிறகு அது கனவாகவே உள்ளது. அவரது ரசிகையான சனா மிர், இந்த உலகக் கோப்பையை வெல்வாரா?