நம்பிக்கையுடன் ஸ்டோக்ஸ்
இந்நிலையில் இங்கிலாந்து ஆல் ரவுண்டர் பென் ஸ்டோக்ஸ் மிகுந்த தன்னம்பிக்கையுடன் இருக்கிறார். சொந்த நாட்டில் நடப்பதால் இந்த முறை உலக கோப்பை எங்களுக்கு தான் என்று அவர் தெரிவித்துள்ளார். அவர் மேலும் கூறியிருப்பதாவது:
பெரிய விஷயம் என்று தெரியும்
இந்த தொடர் எங்களுடையது. 4 ஆண்டுகளாக எங்கள் அணிக்கு நல்ல ஆதரவு கிடைத்துள்ளது. உலக கோப்பை தொடர் என்பது இங்கிலாந்து ரசிகர்களுக்கு எவ்வளவு பெரிய விஷயம் என்பது எங்களுக்கு தெரியும். அதேபோல ஒரு கிரிக்கெட் வீரராக நாட்டிற்கு உலக கோப்பையில் விளையாடுவது எனக்கு மிகவும்.
வெற்றிக்கு போராடுவோம்
இந்த தொடரில் சில போட்டிகளில் தோல்வி கிடைத்திருப்பது கஷ்டமாக தான் உள்ளது. எல்லோரும் தங்கள் அணியை வெற்றி பெற வேண்டும் என்று போராடுவார்கள், நானும் அப்படி தான் ஆடி வருகிறேன். ஆனாலும், வெற்றி கிடைக்க வில்லை.
திட்டம் வகுப்போம்
இன்னும் 2 போட்டிகள் வித்தியாசமான சூழ்நிலையில் காத்திருக்கின்றன. எனவே, சிறப்பாக விளையாடுவோம். அதற்கான திட்டத்தை வகுக்க இருக்கிறோம். போட்டியின் தன்மைக்கு ஏற்ப திட்டத்தில் சிறிய மாற்றம் செய்வோம்.
சாதனை இருக்கிறது
இங்கிலாந்தில் இந்தியாவிற்கு எதிராக அருமையான சாதனை வைத்துள்ளோம். ஆனாலும், இந்திய அணியை லேசாக எடை போட முடியாது. அவர்கள் தற்போது சிறந்த பார்மில் உள்ளனர் என்றார். இங்கிலாந்து அணி ஆஸ்திரேலியா மற்றும் இலங்கைக்கு எதிராக தோற்றப் போட்டிகளில் தான் பென் ஸ்டோக்ஸ் சிறப்பான ஆட்டத்தை வெளிப்படுத்தி யிருந்தார் என்பது குறிப்பிடத்தக்கது.