இந்தியா பேட்டிங்
இந்தியா மற்றும் ஆஸ்திரேலிய அணிகளுக்கிடையில் பகலிரவு டெஸ்ட் போட்டி அடிலெய்டில் இன்று துவங்கியுள்ளது. இந்த போட்டியில் டாஸ் வென்றுள்ள விராட் கோலி தலைமையிலான இந்திய அணி பேட்டிங்கை தேர்வு செய்து விளையாடி வருகிறது. வெளிநாட்டில் இந்தியா விளையாடும் முதல் பகலிரவு போட்டி இது.
ஆஸி தொடர் வெற்றி
இந்நிலையில் இதுவரை தான் விளையாடியுள்ள 7 பகலிரவு டெஸ்ட் போட்டிகளிலும் ஆஸ்திரேலிய அணி தொடர்ந்து வெற்றி அடைந்துள்ளது. இதேபோல விராட் கோலி தலைமையிலான டெஸ்ட் போட்டிகளில் அவர் டாஸ் வென்றுள்ள போட்டிகள் எதிலும் இந்தியா இதுவரை தோல்வியடைந்ததில்லை.
தோல்வி அடைந்ததில்லை
இதுவரை விராட் கோலி 25 டெஸ்ட் போட்டிகளில் டாஸ் வென்றுள்ள நிலையில் அதில் 21 போட்டிகளில் வெற்றியும் 4 போட்டிகளில் டிராவும் இந்திய அணி அடைந்துள்ளது. இந்நிலையில் இன்றைய போட்டியில் விராட் கோலி டாஸ் வென்று பேட்டிங்கை தேர்வு செய்துள்ளார்.
சாதனை பயணம்
இதையடுத்து இந்த இரு அணிகளுக்கும் இந்த போட்டியில் வெற்றியடையும் வாய்ப்பு காணப்படுகிறது. ஆனால் எந்த அணி இந்த போட்டியில் வெற்றி பெற்று தன்னுடைய சாதனையை தொடரும் என்பதை காண இன்னும் ஐந்து நாட்கள் ரசிகர்கள் காத்திருக்க வேண்டும்.