நீங்க எல்லாம் ஒரு அம்பயரு…? விக்கிபீடியாவை திருத்தி கண்டபடி விமர்சித்த ரசிகர்.. என்னா கோபம்..!!

இங்கிலாந்து தோல்வி

கடைசி நாள் ஆட்டத்தின் உணவு இடை வேளையின் போது, இங்கிலாந்து 2வது இன்னிங்சில், 4 விக்கெட்டுக்கு 85 ரன்கள் எடுத்து தோல்வியை தவிர்க்க கடுமையாக போராடியது. கடைசியில் இங்கிலாந்து 146 ரன்களுக்கு ஆல் அவுட் ஆனது. ஆட்ட நாயகனாக 2 இன்னிங்ஸ்களிலும் சதம் எடுத்த ஸ்டீவ் ஸ்மித் அறிவிக்கப்பட்டார்.

தீர்ப்பு, விமர்சனம்

இந்நிலையில் போட்டியின் துவக்கத்தில் இருந்தே பலரின் விமர்சனங்களுக்கு ஆளானார் வெஸ்ட் இண்டீஸ் அம்பயர் ஜியோல் வில்சன். அவருடன் மற்றொரு அம்பயரான அலீம் தாரும் பல முறை தவறான தீர்ப்புகளை அளித்து அதிர்ச்சி அளித்தார்.

குருட்டு அம்பயர்

அதனால் கடுப்பான ரசிகர் ஒருவர் செய்த செயல் அனைவராலும் பேசப்பட்டு வருகிறது. ஒரு கட்டத்தில் ஏகத்துக்கும் கோபப்பட்ட அந்த ரசிகர், வெஸ்ட் இண்டீஸ் அம்பயர் ஜியோல் வில்சனின் விக்கி பீடியா பக்கத்தில் சர்வதேச கண் தெரியாத அம்பயர் என்று மாற்றினார். 1966ம் ஆண்டு டிசம்பர் 30ம் தேதி டிரினாட், டோபாகோவில் பிறந்தவர் ஜியோல் வில்சன், இவர் ஒரு கண் தெரியாத சர்வதேச அம்பயர் என்று திருத்தி, ஆத்திரத்தை தணித்துக் கொண்டார் அந்த ரசிகர்.

2வது முறை

2வது முறையாகவும் அவரின் விக்கிபீடியா பக்கம் மாற்றியமைக்கப்பட்டது. அதில் ஜியோல் வில்சன் சர்வதேச அம்பயர் இல்லை என்ற வார்த்தை இடம்பெற்றது. ரசிகர்கள் மட்டும் அல்ல.. ஒளிபரப்பில் இருந்த கிரிக்கெட் வர்ணனையாளர்களும், அம்பயர்களின் முடிவுகளை காய்ச்சி எடுத்துவிட்டனர் .