என்கிட்ட மோதாதே! திருப்பி கொடுத்த வைபவ் சூர்யவன்ஷி.. தடுமாறி போன திலக் வர்மா

சென்னை: துலீப் கோப்பை இறுதிப் போட்டியின் சவுத் ஜோன் அணியின் கேப்டன் திலக் வர்மாவுக்கு ஈஸ்ட் ஜோன் துணை கேப்டன் வைபவ் சூர்யவன்ஷி தகுந்த பதிலடி கொடுத்துள்ளார். போட்டியின் முதல் நாளில் திலக் வர்மாவிடமிருந்து சில சீண்டல்களை எதிர்கொண்ட வைபவ், தற்போது அதே பாணியில் திலக் வர்மாவை வம்புக்கு இழுத்து பழிதீர்த்துக் கொண்டார்.

இந்தச் சம்பவம் 4-ஆம் நாள் ஆட்டத்தின் முதல் பகுதி முடிவடையும் தருவாயில் நிகழ்ந்தது. அப்போது சவுத் ஜோன் அணி ஏற்கனவே 8 விக்கெட்டுகளை இழந்து தோல்வியின் விளிம்பில் தள்ளாடிக்கொண்டிருந்தது. ஈஸ்ட் ஜோன் அணியின் இமாலய முதல் இன்னிங்ஸ் ஸ்கோரான 708 ரன்களை நோக்கி விளையாடிய சவுத் ஜோன் அணி, பேட்டிங்கிற்கு சாதகமான ஆடுகளமாக இருந்தபோதிலும் 330 ரன்களுக்குள் 8 விக்கெட்டுகளை இழந்து தடுமாறியது.

ஒரு முனையில் திலக் வர்மா போராடிக்கொண்டிருக்க, அவரிடம் சென்ற வைபவ் சூர்யவன்ஷி சில வார்த்தைகளைப் பேசிவிட்டு அமைதியாக நடந்து சென்றார். இந்தத் தருணம் முதல் நாள் ஆட்டத்தில் நடந்த சம்பவத்துக்கு பதிலடி தரும் விதமாக அமைந்தது. இறுதிப் போட்டியின் முதல் நாளில் ஈஸ்ட் ஜோன் அணியின் தொடக்க வீரர்கள் அதிரடியாக விளையாடியபோது, திலக் வர்மா இளம் வீரரான வைபவ்விடம் வந்து சில வார்த்தைகளை வீசி வம்பிழுத்தார்.

ஒருநாள் கிரிக்கெட் அழிந்துவிடும்.. ஐசிசி நடவடிக்கை எடுக்க வேண்டும்.. ரிக்கி பாண்டிங் எச்சரிக்கை

அதற்குப் பதிலடி கொடுக்க 4 நாட்களுக்குப் பிறகு வைபவ்விற்கு நல்லதொரு வாய்ப்பு கிடைத்தது. போட்டி தங்களுக்கு சாதகமாக மாறியதால், அவர் இந்த பதிலடியை திருப்தியுடன் வெளிப்படுத்தினார்.இஷான் கிஷன் தலைமையிலான ஈஸ்ட் ஜோன் அணி, சென்னை சேப்பாக்கம் எம்.ஏ. சிதம்பரம் மைதானத்தில் நடைபெற்ற இந்த இறுதிப் போட்டியின் முதல் இன்னிங்ஸில் 708 ரன்கள் குவித்து சவுத் ஜோன் அணிக்கு கடுமையான அழுத்தத்தைக் கொடுத்தது.

முகமது ஷமி மற்றும் முகேஷ் குமார் ஆகியோரின் துல்லியமான வேகப்பந்து வீச்சை எதிர்கொள்ள முடியாமல் சவுத் ஜோன் பேட்ஸ்மேன்கள் அடுத்தடுத்து விக்கெட்டுகளை இழந்தனர். ஆடுகளம் பேட்டிங்கிற்கு சாதகமாக இருந்தபோதிலும், ஈஸ்ட் ஜோன் அணியின் பந்துவீச்சாளர்கள் தொடர்ந்து விக்கெட்டுகளை வீழ்த்தி நெருக்கடி அளித்தனர்.

Also Read

துலீப் கோப்பை பைனல்: வைபவ் சூர்யவன்ஷி ஏமாற்றம்.. 2வது இன்னிங்சில் வெறும் 8 ரன்களில் அவுட்

சவுத் ஜோன் அணியின் பேட்ஸ்மேன்களில் திலக் வர்மா மட்டுமே ஓரளவு எதிர்த்துப் போராடினார். ஆனால், ஈஸ்ட் ஜோன் வெற்றியை நோக்கி வேகமாக நகர்ந்ததால், கேப்டனாக அவரது போராட்டம் தோல்வியை நோக்கிப் பயணித்தது. முதல் நாளில் வைபவ்வை அழுத்தத்திற்குள்ளாக்க முயன்ற திலக் வர்மாவிற்கு, 4-ஆம் நாளில் ஆட்டம் தங்கள் வசம் முழுமையாக வந்தவுடன், இளம் வீரரான வைபவ் சூர்யவன்ஷி தகுந்த பதிலடி கொடுத்துள்ளார்.