அடுத்த கட்டத்துக்கு தயாரான வைபவ் சூர்யவன்ஷி.. 15 வயதில் காத்திருக்கும் மிகப்பெரிய பரீட்சை

மும்பை: இளம் நட்சத்திர கிரிக்கெட் வீரர் வைபவ் சூர்யவன்ஷி, வரவிருக்கும் துலீப் கோப்பை 2026 தொடருக்காக தனது சிவப்பு-பந்து போட்டிகளுக்கான பயிற்சிகளைத் தொடங்கியுள்ளார். ஜிம்பாப்வே சுற்றுப்பயணத்தை முடித்த பிறகு, ராஜஸ்தான் ராயல்ஸ் அகாடமியில் நடைபெற்ற சிறப்பு பயிற்சி முகாமில் அவர் இணைந்துள்ளார்.

இம்முகாமில் வைபவ் சூர்யவன்ஷி ராஜஸ்தான் ராயல்ஸ் அணியின் சிறப்புப் பயிற்சி உடையில் காணப்பட்டார். பேட்டிங் பயிற்சிக்குச் செல்வதற்கு முன்பு, பேட்டால் பந்தைத் தட்டிப் பயிற்சி செய்தார். அப்போது, பந்தைத் தட்டும் எண்ணிக்கையை வைத்து ரன் எடுக்கும் தனது வித்தியாசமான நம்பிக்கை குறித்து அவர் பகிர்ந்து கொண்டார்.

"நான் முன்பெல்லாம் இப்படித்தான் செய்து எண்ணிக்கொள்வேன். பந்தைத் தட்டும்போது 50 முறை தட்டினால் அடுத்த போட்டியில் 50 ரன்களும், 100 முறை தட்டினால் அடுத்த போட்டியில் 100 ரன்களும் எடுக்க வேண்டும் என்று இலக்கு வைப்பேன்," என்று அவர் கூறினார்.

IND vs SL: இந்த வீரரை தொடர்ந்து 2 டெஸ்டிலும் ஆட வைக்க வேண்டும்.. கம்பீருக்கு வந்த கோரிக்கை

கடினமான இங்கிலாந்து சுற்றுப்பயணத்திற்குப் பிறகு, ஜிம்பாப்வே டி20 தொடரில் வைபவ் சூர்யவன்ஷி மிகச் சிறப்பான ஆட்டத்தை வெளிப்படுத்தினார். இத்தொடரில் 3 போட்டிகளில் விளையாடிய அவர் 2 அரைசதங்களுடன் 50.33 சராசரி மற்றும் 196.10 ஸ்ட்ரைக் ரேட்டுடன் 151 ரன்கள் குவித்து அதிக ரன் எடுத்த வீரராகத் திகழ்ந்தார். இதற்காக அவர் தொடர் நாயகன் விருதையும் வென்றார்.

வரவிருக்கும் துலீப் கோப்பை 2026 தொடரில் அனைவரின் பார்வையும் வைபவ் சூர்யவன்ஷி மீது இருக்கும் என்பதில் சந்தேகமில்லை. 15 வயதான இந்த இளம் வீரர், ஈஸ்ட் ஜோன் அணிக்காக விளையாடவுள்ளார். மேலும், இஷான் கிஷன் தலைமையிலான இந்த அணியின் துணை கேப்டனாகவும் அவர் நியமிக்கப்பட்டுள்ளார். பெங்களூருவில் உள்ள பிசிசிஐ சிஓஇ மைதானம் 2-ல், ஆகஸ்ட் 23 ஞாயிற்றுக்கிழமை தொடங்கும் கால் இறுதிப் போட்டியில் ஈஸ்ட் ஜோன் அணி, நார்த் ஈஸ்ட் ஜோன் அணியை எதிர்கொள்கிறது.

Also Read

இலங்கைக்கு எதிரான பயிற்சி ஆட்டம்.. ராகுல், படிக்கல் நிதானம்.. மழையால் போட்டி பாதிப்பு

சூர்யவன்ஷி இதுவரை அதிக அளவில் சிவப்பு-பந்து முதல் தர கிரிக்கெட் போட்டிகளில் விளையாடியதில்லை. அவர் 2024-ல் மும்பைக்கு எதிராக பீகார் அணிக்காக தனது முதல் தர கிரிக்கெட் போட்டியில் அறிமுகமானார். இந்த இளம் வீரர் இதுவரை 8 முதல் தர போட்டிகளில் மட்டுமே விளையாடி, 12 இன்னிங்ஸ்களில் ஒரு அரைசதம் உட்பட 17.25 சராசரியுடன் 207 ரன்கள் எடுத்துள்ளார். அதிகபட்சமாக 93 ரன்கள். இவரது கடைசி முதல் தர போட்டி 2025-26 ரஞ்சி கோப்பை தொடரில் மேகாலயா அணிக்கு எதிராக அமைந்தது. அதில் அவர் தனது ஒரே அரைசதத்தைப் பதிவு செய்தார். அந்த சீசனில் மூன்று போட்டிகளில் விளையாடிய அவர் 53.50 சராசரியுடன் 107 ரன்கள் எடுத்தார்.