வைபவ் சூர்யவன்ஷி செய்த செயல்.. செஞ்சுரி மிஸ் ஆனதும் ஆத்திரம்.. உறைந்து போய் நின்ற ஆர்.பி சிங்

பெங்களூர்: துலீப் டிராபி கிரிக்கெட் வரலாற்றில் மிகக் குறைந்த வயதில் அரைசதம் அடித்த வீரர் என்ற சாதனையை இன்று (ஆகஸ்ட் 31, திங்கள்கிழமை) படைத்த வைபவ் சூர்யவன்ஷி, தனது முதல் சதத்தை வெறும் 8 ரன்களில் தவறவிட்டு ஏமாற்றம் அடைந்தார். அவர் அவுட் ஆன விதம் மைதானத்தில் இருந்த தேர்வுக் குழு உறுப்பினர் ஆர்.பி.சிங்கை அதிர்ச்சியில் ஆழ்த்தியது.

பெங்களூருவில் மத்திய மண்டலத்திற்கு எதிரான அரையிறுதிப் போட்டியில், 15 வயதான வைபவ் சூர்யவன்ஷி 42 பந்துகளில் அரைசதம் கடந்து அசத்தினார். ஆட்டத்தின் போது 12-வது ஓவரில் வைபவ் கொடுத்த கேட்ச் வாய்ப்பை எதிரணி வீரர்கள் தவறவிட்டனர். அப்போது 40 ரன்களுடன் இருந்த அவர் அந்த வாய்ப்பைப் பயன்படுத்தி தனது அரைசதத்தை எட்டினார். இதன் மூலம் 1968-69 சீசனில் லக்ஷ்மண் சிங் (16 வயது 23 நாட்கள்) படைத்த 58 ஆண்டுகால சாதனையை வைபவ் (15 வயது 157 நாட்கள்) முறியடித்துள்ளார்.

தொடர்ந்து அதிரடி காட்டிய அவர், தனது முதல் முதல்தர சதத்தை நோக்கி முன்னேறினார். ஆனால், ஹர்ஷ் துபே வீசிய பந்தை சிக்ஸருக்கு விளாச முயன்று, டீப் மிட்-விக்கெட்டில் அவர் கேட்ச் கொடுத்து 92 ரன்களுக்கு ஆட்டமிழந்தார். இதனால் அவரது முதல்தர கிரிக்கெட்டின் அதிகபட்ச ரன்களான 93 ரன்களைக் கடக்கும் வாய்ப்பும், சதமடிக்கும் வாய்ப்பும் நூலிழையில் கைநழுவியது. இதனால் கடும் ஏமாற்றமடைந்த வைபவ் சூர்யவன்ஷி, மைதானத்திலேயே பேட்டை தரையில் அடித்து தனது ஆத்திரத்தை வெளிப்படுத்தியபடி பெவிலியன் திரும்பினார்.

ஐபிஎல் தொடரில் இம்பாக்ட் பிளேயர் ரூல்ஸ்-க்கு முடிவு கட்ட வாய்ப்பு.. 10 அணிகளுக்கும் பிசிசிஐ கடிதம்

அவரது இந்த ஆட்டத்தை கேலரியில் இருந்து உன்னிப்பாகக் கவனித்து வந்த தேர்வுக் குழு உறுப்பினர்கள் ஆர்.பி.சிங், அஜய் ரத்ரா மற்றும் எஸ்.எஸ்.தாஸ் ஆகியோர் வைபவ் அவசர அவசரமாக சிக்ஸ் அடித்து சதத்தை நிறைவு செய்ய முயன்று விக்கெட்டை இழந்ததைக் கண்டு அதிர்ச்சியடைந்தனர். முன்னதாக, மத்திய மண்டலம் தனது முதல் இன்னிங்ஸில் 266 ரன்களுக்கு சுருண்டது குறிப்பிடத்தக்கது. வைபவ் சதம் அடித்து இருந்தால் அவரை டெஸ்ட் அணியில் சேர்ப்பதற்கான சிறந்த வாய்ப்பாக அது அமைந்து இருக்கும்.

Also Read

சீனியர்களுக்கு முன் வைபவ் சூர்யவன்ஷி அதிரடி.. நேற்று கேப்டன்சி, இன்று 42 பந்துகளில் அரைசதம்