Click it and Unblock the Notifications
இளம் வீரர்கள்
இலங்கை தொடருக்காக இந்திய அணி வெளியிட்டுள்ள பட்டியலில், தேவ்தத் பட்டிக்கல், ருத்ராஜ் கெயிக்வாட், நிதிஷ் ராணா, கிருஷ்ணப்பா கவுதம், சேட்டன் சக்காரியா ஆகியோருக்கு முதல் முறையாக சர்வதேச போட்டியில் விளையாட வாய்ப்பு கிடைத்துள்ளது. இதில் ஆச்சரியப்படும் வகையில் தமிழக வீரர் வருண் சக்கரவர்த்திக்கு 3வது முறையாக, இந்திய அணியில் அறிமுகமாகும் வாய்ப்பு கிடைத்துள்ளது.
ஆஸ்திரேலிய தொடர்
கடந்த 2020ம் ஆண்டு ஐபிஎல் தொடரில் சிறப்பாக விளையாடிய வருண் சக்கரவர்த்திக்கு, ஆஸ்திரேலிய சுற்றுப்பயணத்தின் போது டி20 தொடரில் விளையாட வாய்ப்பு வழங்கப்பட்டது. ஆனால் கடைசி நேரத்தில் காயம் காரணமாக அந்த தொடரில் இருந்து அவர் விலகுவதாக அறிவிக்கப்பட்டது. அந்த நேரத்தில் தான் அவருக்கு திருமணமும் நடைபெற்றது.
2வது முறை
பின்னர் 2வது முறையாக இங்கிலாந்துக்கு எதிரான டி20 தொடரின் போதும் வருண் சக்கரவர்த்திக்கு அழைப்பு விடுக்கப்பட்டது. ஆனால் இதற்காக பிசிசிஐ நடத்திய உடற்தகுதி தேர்வில் அவர் தோல்வியடைந்தார். உடற்தகுதி தேர்விலும் கூட 2வது வாய்ப்பு கொடுக்கப்பட்டது. ஆனால் அதிலும் அவர் தோல்வியடைந்தார். இந்நிலையில் தற்போது இலங்கை சுற்றுப்பயணத்தில் மீண்டும் வாய்ப்பு கொடுக்கப்பட்டுள்ளது.
உலகக்கோப்பை
டி20 உலகக்கோப்பை தொடர் வரும் அக்டோபர் மாதம் நடைபெறவுள்ளது. இலங்கை தொடரில் சிறப்பாக விளையாடும் சில வீரர்கள் உலகக்கோப்பை தொடருக்கான இந்திய அணியில் இடம் பிடிக்க வாய்ப்புள்ளது. இதனால் இந்த முறையாவது வருண் சக்கரவர்த்தி, தனக்கான வாய்ப்பை சரியாக பயன்படுத்திக்கொள்வாரா என்ற எதிர்பார்ப்பு எழுந்துள்ளது.
