அனைத்து வகை கிரிக்கெட்டில் இருந்தும் விடைபெற்றார் டேனியல் வெட்டோரி!

By Veera Kumar

Published: Tuesday, March 31, 2015, 11:55 [IST]

வெலிங்டன்: நியூசிலாந்து அணியின் ஜாம்பவான் சுழற்பந்து வீச்சாளர் டேனியல் வெட்டோரி அனைத்து வகை சர்வதேச போட்டிகளில் இருந்தும் ஓய்வு பெறுவதாக அறிவித்துள்ளார்.

வேகப்பந்து வீச்சை வைத்தே காலம் கடத்தி வந்த, நியூசிலாந்து அணியில் பெயர் சொல்லக்கூடிய சுழற்பந்து வீச்சாளர் டேனியல் வெட்டோரிதான். 1997ம் ஆண்டு தனது 18வது வயதில் வெட்டோரி நியூசிலாந்து ஒருநாள் அணிக்குள் காலடி எடுத்து வைத்தார்.

வெட்டோரி

295 ஒருநாள் போட்டிகளில் ஆடியுள்ள வெட்டோரி, 305 விக்கெட்டுகளை சாய்த்துள்ளார்.

டெஸ்ட்

113 டெஸ்ட் போட்டிகளில் ஆடியுள்ள வெட்டோரி, 362 விக்கெட்டுகளை சாய்த்துள்ளார். 4531 ரன்களையும் விளாசியுள்ளார்.

கபில் வரிசையில்

கபில்தேவ் மற்றும் இயான் போத்தம் ஆகியோருக்கு அடுத்தபடியாக, டெஸ்ட் போட்டிகளில், 4 ஆயிரம் ரன்கள் மற்றும் 300க்கும் அதிகமான விக்கெட்டுகள் வீழ்த்திய வீரர் டேனியல் வெட்டோரிதான்.