ஆசிய கோப்பை சதம் விளாசிய கோலி.. டி20 தரவரிசையில் கிடுகிடுவென முன்னேற்றம்..இந்திய வீரர்களுக்கு உயர்வு

கோலி முன்னேற்றம்

இதன் மூலம் விராட் கோலி டி20 பேட்ஸ்மேனுக்கான தரவரிசை பட்டியலில் சிங்கப் பாய்ச்சலை பாய்ந்துள்ளார். தற்போது அவர் 14 இடங்கள் முன்னேறி 15 வது இடத்தை பிடித்துள்ளார்.இதேபோன்று கே எல் ராகுல் ஆப்கானிஸ்தான் எதிராக அரை சதம் விளாசியசதன் மூலம் 30வது இடத்திலிருந்து 23வது இடத்திற்கு முன்னேறியுள்ளார்.இந்தியா தற்போது தொடர்ந்து டி20 போட்டியில் விளையாடுவதால் கோலி மீண்டும் டாப் 5 இடத்தை பிடிக்க அதிக வாய்ப்பு உள்ளது.

புவனேஸ்வர் குமார்

இதேபோன்று பந்துவீச்சாளர்களுக்கான பட்டியலில் ஆப்கானிஸ்தானுக்கு எதிராக நான்கு ரன்கள் விட்டுக் கொடுத்து ஐந்து விக்கெட்டுகளை வீழ்த்திய புவனேஸ்வர் குமார் டாப் 10 இடத்திற்குள் முன்னேறியுள்ளார்.11-வது இடத்தில் இருந்த அவர் நான்கு இடங்களில் முன்னேறி ஏழாவது இடத்தை பிடித்துள்ளார். தமிழக வீரர் அஸ்வின் 9 இடங்கள் முன்னேறி தற்போது 41வது இடத்தை பிடித்துள்ளார்.

அக்சர் பட்டேல்

இதேபோன்று அக்சர் பட்டேல் 14 இடங்கள் முன்னேறி 57வது இடத்தை பிடித்துள்ளார். இந்தியாவுக்கு எதிராக அதிரடியாக விளையாடி அரை சதம் விளாசிய ஆப்கானிஸ்தான் வீரர் இப்ராஹிம் 55 இடங்கள் முன்னேறி தற்போது 63வது இடத்தை பிடித்துள்ளார். ஆசிய கோப்பையை இலங்கை வெல்ல காரணமாக இருந்த பனுகா ராஜபக்சா t20 தர வரிசையில் உயர்வைக் கண்டுள்ளார்.

ஹசரங்கா

இறுதிப்போட்டியில் 45 பந்துகளில் 71 ரன்கள் விளாசிய அவர் தற்போது பேட்ஸ்மேனுக்கான தரவரிசையில் 34 இடங்கள் முன்னேறி தற்போது 68 ஆவது இடத்தில் இருந்து 34வது இடத்தை பிடித்துள்ளார். இதேபோன்று இலங்கை வீரர் ஹசரங்கா பந்துவீச்சாளர்கள் பட்டியலில் மூன்று இடங்கள் முன்னேறி தற்போது ஆறாவது இடத்தை பிடித்துள்ளார். அதேபோன்று ஆல் ரவுண்டர்களுக்கான பட்டியலில் ஹசரங்கா 7 இடங்கள் முன்னேறி தற்போது நான்காவது இடத்தை பிடித்துள்ளார். பேட்ஸ்மேன்கள் பட்டியலில் ஹசரங்கா 28 இடங்கள் முன்னேறி 152 வது இடத்தை பிடித்துள்ளார்.