ஷேவாக்கின் 2 சாதனைகளை ஒரே நாளில் முறியடித்த கோஹ்லி

முதல் சாதனை முறியடிப்பு

ஒரு நாள் போட்டியில் ஷேவாக் 60 பந்துகளில் 100 ரன்கள் அடித்ததே இதுவரை சாதனையாக இருந்தது. இந்நிலையில் நேற்று வெறும் 52 பந்துகளில் கோஹ்லி 100 ரன்கள் எடுத்து ஷேவாக்கின் சாதனையை முறியடித்தார்.

2வது சாதனை முறியடிப்பு

சர்வதேச ஒரு நாள் போட்டிகளில் 15 சதங்கள் அடித்து சச்சின் டெண்டுல்கர்(49) மற்றும் சவ்ரவ் கங்குலியை(22) அடுத்து அதிக சதங்கள் அடித்த வீரராக ஷேவாக் இருந்தார். நேற்றையை சதத்தை சேர்த்து கோஹ்லி சர்வதேச ஒரு நாள் போட்டிகளில் மொத்தம் 16 சதங்கள் அடித்துள்ளார். இதையடுத்து ஷேவாக்கின் சாதனையை முறியடித்து அவரின் மூன்றாவது இடத்தை கோஹ்லி பிடித்துவிட்டார்.

ஃபாஸ்டஸ்ட் சதம்

சர்வதேச ஒரு நாள் போட்டிகளில் ஒரு இந்திய வீரரால் மிக விரைவாக எடுக்கப்பட்ட சதம் நேற்று கோஹ்லி அடித்த சதம் தான் என்பது குறிப்பிடத்தக்கது.

115 போட்டிகளில்

ஷேவாக் 251 சர்வதேச ஒரு நாள் போட்டிகளில் விளையாடி 15 சதங்கள் அடித்திருந்தார். ஆனால் கோஹ்லி 115 போட்டிகளில் விளையாடி 16 சதங்கள் அடித்துள்ளார்.