Click it and Unblock the Notifications
இங்கிலாந்து தொடர்
இந்த ஒரே ஒரு டெஸ்ட் போட்டியின் வெற்றி இரு அணிகளுக்கும் பெரிய கவுரவ பிரச்சினையாகும். கடந்தாண்டு 5 போட்டிகள் கொண்ட டெஸ்ட் தொடரில் 4 போட்டிகள் மட்டுமே நடைபெற்றன. கொரோனா காரணமாக 5வது டெஸ்ட் போட்டி ஒத்திவைக்கப்பட்டது. இந்த தொடரில் இந்திய அணி 2 -1 என முன்னிலையில் இருப்பதால் வெற்றி பெற கடுமையாக முயற்சித்து வருகிறது.
விராட் கோலியின் ஃபார்ம்
இந்திய அணியில் இங்கிலாந்தை திணறடிக்கக்கூடிய வீரர் என்றால் அது விராட் கோலி தான். அந்த அணிக்கு எதிராக மிகப்பெரிய ரெக்கார்ட்களை தன் வசம் ஆக்கியுள்ளார். எனவே இந்த போட்டியில் விராட் கோலி தனது பழைய ஃபார்முக்கு வந்து சதம் அடிப்பார் என எதிர்பார்ப்பு எகிறியுள்ளது.
புதிய சாதனை
இந்நிலையில் இதே போட்டியில் அவர் பெரும் சாதனை ஒன்றையும் படைக்கவுள்ளார். சர்வதேச டெஸ்ட் கிரிக்கெட்டில் இங்கிலாந்துக்கு எதிராக விராட் கோலி இதுவரை 1960 ரன்கள் அடித்துள்ளார். வரும் போட்டியில் 40 ரன்களை எடுத்துவிட்டால், 2000 ரன்களை கடந்த 3வது இந்தியர் என்ற பெருமையை கோலி பெறுவார்.
வீரர்களின் பட்டியல்
இங்கிலாந்துக்கு எதிராக அதிகபட்சமாக சச்சின் டெண்டுல்கர் 2,535 ரன்களை அடித்துள்ளார். இவரை தொடர்ந்து கவாஸ்கர் 2483 ரன்களை அடித்துள்ளார். மூன்றாவது இடத்தில் கோலியும், தற்போதைய இந்திய பயிற்சியாளர் ராகுல் டிராவிட் 1950 ரன்களுடன் 4வது இடத்திலும் உள்ளனர்.
Continue with Google