கம்பீர், விராட் கோலி இடையிலான மோதலுக்கு முற்றுப்புள்ளி.. லண்டனில் நடந்த சுவாரஸ்யம்

லண்டன்: இந்திய கிரிக்கெட் அணியின் நட்சத்திர பேட்ஸ்மேன் விராட் கோலி மற்றும் தலைமை பயிற்சியாளர் கௌதம் கம்பீர் ஆகியோருக்கு இடையே கருத்து வேறுபாடு நிலவுவதாக வெளியான வதந்திகளுக்கு முற்றுப்புள்ளி வைக்கும் வகையில், லண்டனில் உள்ள இந்திய தூதரகத்தில் இருவரும் சிரித்துப் பேசிய புகைப்படங்கள் வெளியாகியுள்ளன.

இந்திய அணி இங்கிலாந்தில் சுற்றுப்பயணம் மேற்கொண்டுள்ள நிலையில், கோலிக்கும் கம்பீருக்கும் இடையே சுமுகமான உறவு இல்லை என்ற வதந்திகள் பரவின. பயிற்சியின் போது இருவரும் போதிய அளவில் பேசிக் கொள்ளவில்லை என்பதை சுட்டிக்காட்டி ரசிகர்கள் பலர் சமூக வலைதளங்களில் தங்களது சந்தேகங்களை எழுப்பி வந்தனர்.

ஆனால், லண்டனில் உள்ள இந்திய தூதரகத்தில் நடைபெற்ற வரவேற்பு நிகழ்ச்சியின் போது எடுக்கப்பட்ட காட்சிகள் வெளி வந்துள்ளது. மேலும், கார்டிஃப் நகரில் நடைபெற்ற இரண்டாவது ஒருநாள் போட்டிக்குப் பிறகு செய்தியாளர்களிடம் பேசிய இந்திய அணியின் பேட்டிங் பயிற்சியாளர் சிதான்ஷு கோடக் இந்த வதந்திகளை முற்றிலுமாக மறுத்திருந்தார்.

விராட் கோலி, ரோகித் சர்மா இணைந்து மாபெரும் சாதனை.. ஓய்வு செய்திகளுக்கு இடையே ரெக்கார்ட்

இதனைத் தொடர்ந்து, லார்ட்ஸ் மைதானத்தில் நடைபெற்ற போட்டிக்கு முன்னதாக, டாஸ் போடுவதற்கு முன்பு எல்லையோரக் கோட்டிற்கு அருகே கோலியும் கம்பீரும் நீண்ட நேரம் ஆலோசனையில் ஈடுபட்டிருந்தனர். இது அவர்கள் இருவருக்கும் இடையே எந்தவொரு கசப்புணர்வும் இல்லை என்பதை மீண்டும் உறுதிப்படுத்தியுள்ளது.

அடுத்த ஓராண்டிற்குள் ஒருநாள் உலகக் கோப்பை தொடர் வரவிருக்கும் நிலையில், அணியின் தலைமை பயிற்சியாளருக்கும் மூத்த வீரருக்கும் இடையிலான சுமுகமான உறவு மிகவும் முக்கியத்துவம் வாய்ந்ததாகக் கருதப்படுகிறது. இந்திய அணியின் திட்டங்களில் விராட் கோலி முக்கிய தூணாக விளங்குகிறார். அதே வேளையில், கம்பீர் தங்களது எதிர்கால இலக்குகளை நோக்கி அணியை வழிநடத்தி வருகிறார்.

ரோகித் சர்மா எப்போது ஓய்வு பெறுவார்? மாதத்தை கணித்து சொன்ன பிரபல ஜோதிடர்

கௌதம் கம்பீர் 2024 ஆம் ஆண்டு பயிற்சியாளராக பொறுப்பேற்றது முதல் விராட் கோலியுடனான அவரது உறவு குறித்து பல்வேறு வதந்திகள் பரப்பப்பட்டு வந்தன. ஆனால், தற்போது வெளியாகியுள்ள இந்த சந்திப்புகளின் மூலம் இருவருக்குள்ளும் நல்ல இணக்கம் உள்ளதும், அவர்கள் இந்திய அணியின் வெற்றிக்காக இணைந்து செயல்படுவதும் தெளிவாகியுள்ளது.