சுப்மான் கில்லுக்கு கோலி கொடுத்த பரிசு.. மகிழ்ச்சியில் துள்ளி குதிக்கும் கில்.. இன்ஸ்டாவில் ருசிகரம்

ஆஸியில் சாதனை

இதனையடுத்து ரஞ்சி கோப்பையில் அபாரமாக விளையாடிய சுப்மான் கில்லுக்கு, இந்திய டெஸட் அணியில் இடம் கிடைத்தது. கடினமான ஆஸ்திரேலிய மண்ணில் நடைபெற்ற டெஸ்ட் போட்டியில் தொடக்க வீரராக சுப்மான் கில், 45,30,50,31,7,91 என ரன் குவித்தார். இதன் பின்னர் இந்திய அணியில் தொடர்ந்து இடம் கிடைத்தாலும் காயம் காரணமாக ஓய்வில் இருந்தார்.

சாராவுடன் காதல்

கிரிக்கெட்டில் சுப்மான் கில் ஜொலித்தாலும், சச்சின் மகள் சாராவுடன் சுற்றுவதாக செய்திகள் வெளியாகின. இதனால் சுப்மான் கில் ரசிகர்களிடையே தனி கவனத்தை பெற்றார். இந்த நிலையில், ஐபிஎல் தொடரில் முதலில் கொல்கத்தா அணிக்காக விளையாடிய சுப்மான் கில், தற்போது குஜராத் அணிக்காக விளையாடி வருகிறார்.

இன்ஸ்டா பதிவு

சுப்மான் கில் திறமையான வீரராக இருந்தாலும், பெரிய ஸ்கோர் அடிக்காமல் அவுட் ஆகிறார் என்று சச்சின் டெண்டுல்கரும் விமர்சித்தார். இந்த நிலையில் தான் சுப்மான் கில், டெல்லி அணிக்கு எதிரான ஆட்டத்தில் 84 ரன்கள் விளாசினார். இதனை தொடர்ந்து சுப்மான் கில், இன்ஸ்டாகிராமில் ஒரு புகைப்படத்தை வெளியிட்டுள்ளார்.

கோலியின் பரிசு

அதில் கீழே கமெண்ட் செய்துள்ள விராட் கோலி, வாட்ச் சூப்பராக இருக்கு என்று பதிவிட்டு இருந்தார். அதற்கு சுப்மான் கில், கிங் ஒருவர் பரிசாக அளித்தார் என்று கூறியுள்ளார். இதனை ரசிகர்கள் அதிகளவில் பகிர்ந்து வருகின்றனர். விராட் கோலி இளம் வீரருக்கு அளித்த பரிசு ரசிகர்களை நெகிழ்ச்சி அடைய செய்துள்ளது.