500வது வெற்றி கிடைக்குமா?
இதனால், இன்று நடைபெறவுள்ள போட்டியில் இந்திய அணி வெற்றிபெற்றால், ஒருநாள் போட்டிகளில் 500வது வெற்றியை பதிவுசெய்த இரண்டாவது அணி என்ற சாதனையை படைக்க வாய்ப்புள்ளது. இந்தப் பட்டியலில் ஆஸ்திரேலிய அணி 923 ஒருநாள் போட்டிகளில் 558 வெற்றிகள் பெற்று முதலிடத்தில் உள்ளது.
962 போட்டிகளில் பங்கேற்பு
1974 ஜூலை 13ம் தேதிதான் இந்திய அணி ஒருநாள் போட்டியில் அறிமுகமாகியது. அன்று முதல் இன்றுவரை இந்திய அணி 962 போட்டிகளில் பங்கேற்றுள்ளது. அதில், 499 வெற்றிகளை பெற்றுள்ளது.
414 போட்டிகளில் தோல்வி
414 போட்டிகளில் தோல்வி, 9 போட்டிகள் சமன், 40 போட்டிகளில் முடிவின்றி இருந்துள்ளது. இதனால் இந்திய அணியின் வெற்றி விழுக்காடு 54.60 ஆக உள்ளது.
உலககோப்பை வெற்றி
ஒருநாள் போட்டிகளில் இந்திய அணியின் 499 வெற்றிகளில் 1983 மற்றும் 2011 ஆகிய ஆண்டுகளில் நடைபெற்ற உலக கோப்பை போட்டியில் கோப்பையை வென்றதும் கணக்கில் உள்ளது.
தோனி தலைமையில் 110 வெற்றி
இதைத்தவிர, இந்திய அணி சாம்பியன்ஸ் டிராபி, ஆசியக் கோப்பை உள்ளிட்ட பல்வேறு தொடர்களை வென்று அசத்தியுள்ளது. 499 வெற்றிகளில் தோனி தலைமையின் கீழ் இந்திய அணி 199 போட்டிகளில் 110 வெற்றிபெற்றது குறிப்பிடத்தக்கது.