களத்தில் இறங்கிய கிங் கோலி.. பயிற்சி முகாமில் நடந்த சுவாரஸ்யம்.. கச்சேரி இம்முறை இருக்கு

சாதிக்கவில்லை

டி20 ஒருநாள் கிரிக்கெட்டில் தனது ஃபார்முக்கு விராட் கோலி திரும்பினாலும் இன்னும் டெஸ்ட் கிரிக்கெட்டில் அவர் சதம் விளாசவில்லை. மேலும் சுழற் பந்து வீச்சுக்கு எதிராக விராட் கோலியின் ஸ்ட்ரைக் ரேட் மற்றும் சராசரி வெகுவாக குறைந்துள்ளது. டெஸ்ட் கிரிக்கெட்டை தனது உயிருக்கும் மேலாக நினைக்கும் விராட் கோலி கடந்த மூன்று ஆண்டுகளாக பெரிய அளவில் இந்த சாதனையையும் செய்யவில்லை.

ஏமாற்றம்

அதுவும் வங்கதேசத்துக்கு எதிரான இரண்டு போட்டிகள் கொண்ட டெஸ்ட் தொடரில் விராட் கோலியின் செயல்பாடு ஏமாற்றம் அளிக்கும் வகையில் இருந்தது. தற்போது விராட் கோலி பார்முக்கு திரும்பிருப்பதால் டெஸ்ட் கிரிக்கெட்டில் தன்னுடைய ஆதிக்கத்தை செலுத்தும் முனைப்புடன் இன்று பயிற்சியில் ஈடுபட்டார். இன்று பயிற்சியில் சுவாரசியமான சம்பவம் ஒன்றும் நடைபெற்றிருக்கிறது.

மராத்தான் பேட்டிங்

எப்போதும் பேட்ஸ்மேன்கள் சுழற்சி முறையில் தான் தங்களது பயிற்சி மேற்கொள்வார்கள். ஆனால் இன்று விராட் கோலி ஒரு பேட்டிங் பிச்சில் போய் நின்று தொடர்ந்து இரண்டு மணி நேரத்திற்கு மேலாக பேட்டிங் செய்திருக்கிறார். வேகபந்துவீச்சாளர், சுழற் பந்துவீச்சாளர் என மாறி மாறி அவருக்கு பந்து வீசி இருக்கிறார்கள். இதில் அனைத்திலும் விராட் கோலி அதிரடியாக ஆடி இருக்கிறார்.

யுத்தியில் மாற்றம்

டெஸ்ட் கிரிக்கெட்டில் எப்போதும் பொறுமை காக்க வீரர்கள் பயிற்சி செய்வார்கள். ஆனால் இம்முறை விராட் கோலி அதிரடியாக பேட்டிங் பயிற்சி செய்திருப்பது அவருடைய யுத்தியில் மாற்றத்தை ஏற்படுத்திருக்கலாம் என்று கூறப்படுகிறது. விராட் கோலி குறித்து நேற்று பேசிய இர்பான் பதான் சுழற் பந்துவீச்சை விராட் கோலி அதிரடியாக ஆடி எதிரணிக்கு நெருக்கடி கொடுக்க வேண்டும் என கூறியிருந்தார். தற்போது அதனை விராட் கோலி ஏற்றுக் கொண்டிருப்பார் போலும். இன்று பயிற்சியில் காட்டு காட்டு என காட்டிவிட்டார்.