For Quick Alerts
ALLOW NOTIFICATIONS  
For Daily Alerts
 

பேட்ஸ்மேன் தர வரிசையில் விராட்கோலி 4வது இடத்துக்கு முன்னேற்றம். அணிகள் பட்டியலில் இந்தியா 2 வது இடம்

துபாய் : கிரிக்கெட் பேட்ஸ்மேன்கள் தரவரிசைப் பட்டியலில் இந்திய வீரர் விராட் கோலி 4 வது இடத்திற்கு முன்னேறியுள்ளார். அணிகள் பட்டியலில் இந்தியா 2 வது இடத்திலேயே நீடிக்கிறது.

தென் ஆப்பிரிக்கா-நியூசிலாந்து அணிகள் இடையிலான 3-வது மற்றும் கடைசி ஒருநாள் கிரிக்கெட் போட்டியின் முடிவில் ஒரு நாள் அணிகளின் தர வரிசை மற்றும் பேட்ஸ்மேன், பந்து வீச்சாளர்கள், ஆல்-ரவுண்டர்களின் தர வரிசைப்பட்டியலை சர்வதேச கிரிக்கெட் கவுன்சில் வெளியிட்டுள்ளது.

virat kohli

இதன்படி ஆஸ்திரேலிய அணி (129 புள்ளிகள்) முதலிடத்திலும், இந்திய அணி (115 புள்ளிகள்) 2-வது இடத்திலும் தொடர்ந்து நீடிக்கின்றன.

நியூசிலாந்துக்கு எதிரான ஒருநாள் போட்டி தொடரை 2-1 என்ற கணக்கில் கைப்பற்றிய தென் ஆப்பிரிக்க அணி (110 புள்ளிகள்) ஒரு இடம் முன்னேறி 3-வது இடத்தை பிடித்துள்ளது.
நியூசிலாந்து அணி (109 புள்ளிகள்) ஒரு இடம் பின்தங்கி 4-வது இடத்தை பெற்றுள்ளது.

பேட்ஸ்மேன்கள் தர வரிசையில் தென் ஆப்பிரிக்க வீரர் டிவில்லியர்ஸ் (884 புள்ளிகள்), ஓய்வு பெற்ற இலங்கை வீரர் சங்கக்கரா (839 புள்ளிகள்), தென் ஆப்பிரிக்க வீரர் ஹசிம் அம்லா (811 புள்ளிகள்) ஆகியோர் முறையே முதல் 3 இடங்களில் நீடிக்கின்றனர்.

இந்திய அணி வீரர் விராட்கோலி ஒரு இடம் முன்னேறி 4-வது இடத்தை பிடித்துள்ளார். இந்திய வீரர்களில் ஷிகர் தவான் 7-வது இடத்திலும், கேப்டன் டோனி 9-வது இடத்திலும், ரோகித் சர்மா 17-வது இடத்திலும், சுரேஷ்ரெய்னா 20-வது இடத்திலும் உள்ளனர்.

பந்து வீச்சாளர்கள் தர வரிசையில் ஆஸ்திரேலிய வீரர் மிட்செல் ஸ்டார்க் (783 புள்ளிகள்) முதலிடத்தை தக்க வைத்துள்ளார். இந்திய வீரர் அஸ்வின் 10-வது இடத்தில் உள்ளார்.

Story first published: Friday, August 28, 2015, 2:49 [IST]
Other articles published on Aug 28, 2015
English summary
India's batting mainstay Virat Kohli has climbed up a place to number four in the ICC rankings for the ODI batsmen, while the side retained its second position in the team list.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X