நியூசிலாந்தின் "அந்த" ஆயுதம்.. திருப்பி அடிக்க கோலி வியூகம்.. செம வீடியோ

இந்திய அணி விவரம்

உலக டெஸ்ட் சாம்பியன்ஷிப் மற்றும் இங்கிலாந்து தொடருக்கான இந்திய அணியில், ரோஹித் சர்மா, சுப்மன் கில், மயங்க் அகர்வால், சத்தீஸ்வர் புஜாரா, விராட் கோலி (கேப்டன்), அஜின்க்ய ரஹானே (துணைக் கேப்டன்), ஹனுமா விஹாரி, ரிஷப் பண்ட், ரிதிமான் சாஹா, ரவிச்சந்திர அஸ்வின், ரவி்ந்திர ஜடேஜா, அக்ஷர் படேல், வாஷிங்டன் சுந்தர், ஜஸ்பிரித் பும்ரா, இசாந்த் சர்மா, முகமது ஷமி, முகமது சிராஜ், ஷர்துல் தாக்கூர், உமேஷ் யாதவ், கே.எல்.ராகுல் ஆகிய வீரர்கள் இடம் பெற்றுள்ளனர்.

ஜடேஜா அரைசதம்

ஃபைனல் மேட்சுக்கு தயாராக இந்திய அணி பயிற்சிப் போட்டிகளில் ஏதும் விளையாடவில்லை. அதேசமயம் அணி வீரர்களிடையே இன்ட்ரா ஸ்குவாட் கிரிக்கெட் நடைபெற்றது. இதில், ரிஷப் பண்ட் சதம் விளாசினார். அதேபோல், ஷுப்மன் கில், ரவீந்திர ஜடேஜா ஆகியோர் அரைசதம் அடித்திருந்தனர். இதுகுறித்த வீடியோவை பிசிசிஐ அவ்வப்போது அப்டேட் செய்து வருகிறது.

தீவிர பயிற்சி

இந்நிலையில், இன்று வெளியிடப்பட்ட வீடியோவில் விராட் கோலி பயிற்சி பெறும் காட்சிகள் இடம்பெற்றுள்ளன. குறிப்பாக Pull Short பந்துகளை கோலி அதிகம் பயிற்சி செய்தார். ஒரு பந்தில் நிலைதடுமாறி அவர் கீழே விழுந்தாலும், மற்றொரு ஷார்ட் பந்தை லெக் சைடில் பறக்கவிட்டார். நியூசிலாந்தின் அபாயகரமான Pacers கோலிக்கு எதிராக மட்டுமின்றி, அனைத்து பேட்ஸ்மேன்களுக்கும் எதிராக புல் ஷார்ட் வீசுவார்கள் என்பது உறுதி. அதை எதிர்கொள்ளும் விதமாக கோலி பயிற்சி மேற்கொண்டார்.

X-Factor

அதேசமயம், விராட் கோலி யார்க்கர் பந்துகளையும் டீல் செய்ய பயிற்சி மேற்கொண்டார். இஷாந்தின் லைன் அன்ட் லெந்தின் பந்துகளையும் அவர் அழகாக டிரைவ் செய்தார். இந்த கடும் பயிற்சி விராட் கோலிக்கு நிச்சயம் தேவை. ஏனெனில், பலரும் இந்திய அணியின் "X-Factor" யார் என்பது குறித்து பேசிக் கொண்டிருக்கிறார்கள். ரிஷப் பண்ட் என்று சிலரும், ரவீந்திர ஜடேஜா என்று சிலரும், பும்ரா என்று சிலரும் பேசிக் கொண்டிருக்க, எப்போதும் ஆல் டைம் எக்ஸ்-ஃபேக்டராக இருப்பது விராட் கோலி தான் என்று பலரும் மறந்துவிடுகிறார்கள்.

நியூசிலாந்தின் முதல் டார்கெட்

இன்றைய சூழலில், விராட் கோலி இல்லாத இந்திய அணியை கற்பனை செய்து பார்ப்பது கடினம். டி20 தவிர்த்து ஒருநாள் மற்றும் டெஸ்ட் அணியில் அவர் இல்லாத இந்திய அணி சர்வைவ் ஆவது சிரமமே. அந்த வகையில், இந்திய அணியில் எத்தனை சூப்பர் ஸ்டார்கள் இருந்தாலும், நியூசிலாந்தின் முதல் டார்கெட் விராட் கோலி என்பதில் மாற்றுக்கருத்தே கிடையாது.