ஒரு தொடரில் அடித்ததை ஒரு இன்னிங்ஸில் செய்துள்ளார்..... கோஹ்லிக்கு சேவாக் பாராட்டு!

கலக்கல் ஆட்டம்

2014ல் இங்கிலாந்து தொடரில் 10 இன்னிங்ஸில் எடுத்த ரன்களைவிட அதிக ரன்களை இந்த ஒரு இன்னிங்ஸில் எடுத்துள்ளார் என முன்னாள் அதிரடி ஆட்டக்காரர் சேவாக் கூறியுள்ளார். ஷமி, இஷாந்த் சர்மா மற்றும் உமேஷ் யாதவ் இணைந்து 8 ரன்களே எடுத்தனர். ஆனால், அவர்களுடன் இணைந்து 99 ரன்களை எடுத்து அசத்தியுள்ளார் கோஹ்லி என்றும் சேவாக் பாராட்டியுள்ளார்.

வீரர்களுக்கு உதாரணம்

முதல் வரிசை பேட்ஸ்மேன்களுடன் விளையாடும்போது இருந்த அதே சராசரியுடன் கடைசிகட்ட பேட்ஸ்மேன்களுடன் கோஹ்லி எடுத்துள்ளது மிரட்சியாக உள்ளது என்று பாகிஸ்தானின் முன்னாள் வேகப்பந்து வீச்சாளர் ஷோயக் அக்தர் கூறியுள்ளார். உலக கிரிக்கெட் வீரர்களுக்கு கோஹ்லி ஒரு உதாரணமாக விளங்குகிறார் என்றும் அக்தர் பாராட்டியுள்ளார்.

இதை பார்த்ததுண்டா

படத்தைப் பாருங்கள். 7 பேர் வெளியிலும், 2 பேர் உள்ளேயும் பீல்டிங் செய்கின்றனர். டெஸ்ட் போட்டியில் இதுபோன்ற ஒரு காட்சியை பார்த்ததுண்டா என இங்கிலாந்து முன்னாள் வீரரும், பிரபல கிரிக்கெட் எழுத்தாளருமான சைமன் ஹூக்ஸ் கூறியுள்ளார்.

ஸ்குவாஸ்நேகரான கோஹ்லி

பிரபல ஹாலிவுட் நடிகர் ஆர்னால்ட் ஸ்குவாஸ்நேகரின் த லாஸ்ட் ஸ்டேண்ட் படத்தை நினைவூட்டுகிறது கோஹ்லியின் ஆட்டம் என்று முன்னாள் இந்திய கிரிக்கெட் வீரர் பிரக்யான் ஓஜா கூறியுள்ளார்.