தலைமை பயிற்சியாளர் ரவி சாஸ்திரியின் பிறந்தநாள்... விராட் கோலி வாழ்த்து

ரவி சாஸ்திரி பிறந்தநாள்

இந்திய கிரிக்கெட் அணியின் முன்னாள் ஆல்ரவுண்டரும் தற்போதைய தலைமை பயிற்சியாளருமான ரவி சாஸ்திரி தனது 58வது பிறந்தநாளை இன்று கொண்டாடி வருகிறார். இதையொட்டி பலர் தங்களது வாழ்த்துக்களை பகிர்ந்து வருகின்றனர். 80 டெஸ்ட் போட்டிகள் மற்றும் 150 ஒருநாள் போட்டிகளில் விளையாடியுள்ள ரவி சாஸ்திரி, 6,938 ரன்களையும் 280 விக்கெட்டுகளையும் வீழ்த்தியுள்ளார்.

அடுத்த ஆண்டுவரை பதவிக்காலம்

கடந்த 1985ல் சாம்பியன் ஆப் தி சாம்பியன் விருதை ரவி சாஸ்திரி பெற்றுள்ளார். கடந்த ஆண்டு தலைமை பயிற்சியாளராக இவரது காலம் இரண்டாவது முறையாக மேலும் இரண்டு ஆண்டுகளுக்கு நீட்டிக்கப்பட்டது. அடுத்த ஆண்டு டி20 உலக கோப்பை வரை இவரது பதவிக்காலம் நீட்டிக்கப்பட்டுள்ளது.

விராட் கோலி பாராட்டு

இந்நிலையில் இன்று தனது 58வது பிறந்தநாளை கொண்டாடிவரும் ரவிசாஸ்திரிக்கு கிரிக்கெட் கேப்டன் விராட் கோலி தனது வாழ்த்துக்களை பகிர்ந்துள்ளார். அதிகமானவர்கள் தன்னம்பிக்கையுடன் செயல்படுவார்கள் என்றும் ரவி சாஸ்திரி போன்ற சிலரே தைரியமாக செயல்படுவார்கள் என்றும் பாராட்டு தெரிவித்த விராட் கோலி, அவருக்கு பிறந்தநாள் வாழ்த்துக்களை தெரிவித்துள்ளார்.

குவியும் வாழ்த்துக்கள்

இதேபோல ரவி சாஸ்திரியின் பிறந்தநாளுக்கு ராயல் சேலஞ்சர்ஸ் பெங்களூரு அணியும் வாழ்த்து தெரிவித்துள்ளது. இந்திய அணியின் ஜாம்பவான் மற்றும் தலைமை பயிற்சியாளர் ரவி சாஸ்திரிக்கு பிறந்த நாள் வாழ்த்துக்கள் என தனது டிவிட்டர் பக்கத்தில் தெரிவித்துள்ளது. ஐசிசியும் தனது டிவிட்டர் பக்கத்தில் வாழ்த்துக்களை பகிர்ந்துள்ளது.