ஐசிசி டி20 தரவரிசை.. கடும் பின்னடைவை சந்தித்த விராட் கோலி.. ஆதிக்கம் செலுத்தும் பாக். வீரர்கள்!

அசத்தும் பாகிஸ்தான்

பாகிஸ்தான் அணியின் கேப்டன் பாபர் அசாம் 809 புள்ளிகளுடன் தொடர்ந்து முதலிடத்தில் நீடித்து வருகிறார். டி20 உலகக்கோப்பை மற்றும் வங்கதேச தொடர் என அவரின் புள்ளிகள் உயர்ந்துள்ளன. இவருக்கு அடுத்தபடியாக இங்கிலாந்து வீரர் டேவிட் மாலன் 805 புள்ளிகளுடன் 2வது இடத்திலும், ஏய்டன் மர்க்ராம் 796 புள்ளிகளுடனும் 3வது இடத்தில் உள்ளனர். பாகிஸ்தான் அணியின் ஓப்பனிங் வீரர் முகமது ரிஸ்வான் 4வது இடத்தை பிடித்து அசத்தியுள்ளார்.

கோலிக்கு பின்னடைவு

இந்த பட்டியலில் இந்திய அணி வீரர் விராட் கோலி பின்னடைவை சந்தித்துள்ளார். நியூசிலாந்து டி20 தொடரில் அவர் விளையாடததால் 8வது இடத்தில் இருந்து 11வது இடத்திற்கு தள்ளப்பட்டுள்ளார். இதே போல ரோகித் சர்மா முன்னேற்றம் கண்டுள்ளார். நியூசிலாந்து தொடரில் சிறப்பாக ஆடியதால் 2 இடங்கள் முன்னேறி 13வது இடத்தை பிடித்துள்ளார். இந்த பட்டியலில் டாப் 10 இடங்களுக்குள் இருக்கும் ஒரே இந்திய வீரர் கே.எல்.ராகுல் மட்டும் தான். 729 புள்ளிகளுடன் அவர் 4வது இடத்தை பெற்றுள்ளார்.

பவுலிங் தரவரிசை

பந்துவீச்சை பொறுத்தவரை இந்திய அணியின் நிலைமை மிக மோசமாக உள்ளது. டாப் 10 இடங்களுக்குள் ஒரு இந்திய பவுலரின் பெயர் கூட இடம்பெறவில்லை. இலங்கை வீரர் வானிண்டு அசரங்கா 797 புள்ளிகளுடன் முதலிடத்தில் உள்ளார். இந்திய அணியின் சார்பில் புவனேஷ்வர் குமார் 566 புள்ளிகளுடன் 19வது இடத்திற்கு முன்னேறியுள்ளார். இதே போல ரவிச்சந்திரன் அஸ்வின் 92வது இடத்தையும், அக்‌ஷர் பட்டேல் 112 வது இடத்தையும் பிடித்து முன்னேற்றம் கண்டுள்ளனர்.

Recommended Video

India vs Pakistan T20 தொடரை நடத்த திட்டமிடும் அமீரகம்.. BCCI-யிடம் பேச்சுவார்த்தை

சரிசெய்யப்படுமா?

இந்திய அணியின் சீனியர் வீரர்களுக்கு ஓய்வு வழங்கப்பட்டதாலும், அதிகளவில் டி20 போட்டிகளில் பங்கேற்காததாலும் தான் தரவரிசைப்பட்டியலில் இப்படி பின்னடைவை சந்திக்க காரணம் என கூறப்படுகிறது. எனவே இதனை சரிசெய்ய இனி வரும் தொடர்களில் டி20 போட்டிகளுக்கு பிசிசிஐ முக்கியத்துவம் கொடுக்கும் என எதிர்பார்க்கப்படுகிறது.