IPL 2026: ரோகித் சாதனை முறியடிப்பு.. பைனல் சாதனைக்கு பிறகு முதலிடம் பிடித்த விராட் கோலி

பெங்களூரு: ஐபிஎல் 2026 இறுதிப் போட்டியில் தனது 22வது ஆட்ட நாயகன் விருதை வென்றதன் மூலம், இந்திய வீரர்களில் அதிக 'ஆட்ட நாயகன்' விருதுகள் வென்றவர்களின் பட்டியலில் விராட் கோலி தற்போது முதலிடம் பிடித்துள்ளார். இதன்மூலம், முன்னாள் கேப்டன் ரோஹித் ஷர்மாவின் சாதனையை அவர் முறியடித்துள்ளார்.

அகமதாபாத்தில் நடைபெற்ற இறுதிப் போட்டியில் ராயல் சேலஞ்சர்ஸ் பெங்களூரு அணிக்காக களமிறங்கிய விராட் கோலி, குஜராத் டைட்டன்ஸுக்கு எதிராக 42 பந்துகளில் 75 ரன்கள் குவித்து ஆட்டமிழக்காமல் திகழ்ந்தார். நரேந்திர மோடி மைதானத்தில் 9 பவுண்டரிகள், 3 சிக்ஸர்களுடன் அசத்தினார். 156 ரன்கள் இலக்கை 18 ஓவர்களில் 5 விக்கெட்டுக்கு எட்டிப்பிடிக்க அவரது ஆட்டம் பெரிதும் உதவியது.

ஐபிஎல் 2026 இறுதிப் போட்டியில் அவர் காட்டிய சிறப்பான ஆட்டத்திற்காக, முதல் சீசன் முதலே ராயல் சேலஞ்சர்ஸ் பெங்களூரு அணியுடன் தொடர்ந்து விளையாடும் கிங் கோலிக்கு 'ஆட்ட நாயகன்' விருது வழங்கப்பட்டது.

IPL 2026: சாம்பியன் பட்டம் வென்ற ஆர்சிபிக்கு பரிசுத்தொகை எவ்வளவு? மற்ற அணிகளுக்கும் ஆறுதல் பரிசு

ஐபிஎல் 'ஆட்ட நாயகன்' விருதுகள் பட்டியலில் இந்திய வீரர்களில் கோலி தற்போது முன்னிலையில் இருக்கிறார். ரோஹித் ஷர்மா 21 விருதுகளுடன் இரண்டாவது இடத்திலும், எம்.எஸ். தோனி 278 போட்டிகளில் 18 விருதுகளுடன் மூன்றாவது இடத்திலும் உள்ளார். தோனி சென்னை சூப்பர் கிங்ஸ் மற்றும் ரைசிங் புனே சூப்பர்ஜியன்ட் அணிகளுக்காக விளையாடியது குறிப்பிடத்தக்கது.

ஐபிஎல் வரலாற்றில், ஒட்டுமொத்தமாக அதிக ஆட்ட நாயகன் விருதுகள் வென்ற வீரர்களில் ஏபி டி வில்லியர்ஸ் மட்டுமே விராட் கோலியை விட முன்னிலையில் இருக்கிறார். முன்னாள் தென்னாப்பிரிக்க கிரிக்கெட் வீரரான அவர், டெல்லி கேபிடல்ஸ் மற்றும் ராயல் சேலஞ்சர்ஸ் பெங்களூரு அணிகளுக்காக 184 ஐபிஎல் போட்டிகளில் விளையாடி 25 விருதுகளை வென்றுள்ளார்.

IPL 2026: ஆர்சிபி கோப்பையை வென்றதற்கு காரணம்.. இடையில் எங்களுக்கு ஒரு சிக்கல் வந்தது- விராட் கோலி

தற்போது, கோலி இந்த ஒட்டுமொத்த பட்டியலில் இணைந்து இரண்டாவது இடத்தில் இருக்கிறார். கிறிஸ் கெயிலும் ஐபிஎல்லில் 22 ஆட்ட நாயகன் விருதுகளை வென்றுள்ளார். கெயில், 2009 முதல் 2021 வரை கொல்கத்தா நைட் ரைடர்ஸ், ராயல் சேலஞ்சர்ஸ் பெங்களூரு மற்றும் பஞ்சாப் கிங்ஸ் ஆகிய மூன்று அணிகளுக்காக 142 போட்டிகளில் களமிறங்கி, இந்த சாதனையைப் படைத்துள்ளார்.