ரசிகர்களின் 'வாவ்' கமெண்ட்... புதுவித வொர்க்-அவுட்டால் ரசிகர்களை கவர்ந்த விராட் கோலி

விராட் கோலி பெஸ்ட்

பிட்னஸ் விஷயத்தில் ஒருபோதும் சமரசம் செய்து கொள்ள மாட்டார் கேப்டன் விராட் கோலி. போட்டிகள் இருந்தாலும் இல்லாவிட்டாலும் இவர் தொடர்ந்து பிட்னஸ் பயிற்சிகள் செய்து உடலை பிட்டாக வைத்துக் கொள்வார். தற்போது கொரோனா வைரஸ் ஊடரங்கு காரணமாக வீட்டில் முடங்கியிருந்தாலும் தொடர்ந்து பல்வேறு பிட்னஸ் பயிற்சிகளை செய்துவருகிறார் விராட் கோலி.

டீ வில்லியர்ஸ் ஆச்சர்யம்

கடந்த வாரத்தில்கூட பளூ தூக்கும் பயிற்சியையும் கூடவே ஜம்பிங்கையும் சேர்த்து செய்த விராட் கோலி அதை இன்ஸ்டாகிராம் பக்கத்தில் பகிர்ந்தார். இதைகண்ட ஆர்சிபி வீரர் ஏபி டீ வில்லியர்ஸ் தன்னுடைய ஆச்சர்யத்தை வெளிப்படுத்தினார். ரசிகர்களும் ஆச்சர்யத்தை வெளிப்படுத்த தவறவில்லை.

வித்தியாசமான வொர்க்அவுட்

இந்நிலையில் தற்போது 180 லாண்டிங் வொர்க் அவுட்டை செய்து அசத்தியுள்ளார் விராட் கோலி. இந்த வீடியோவை அவர் தனது டிவிட்டர் பக்கத்தில் பகிர்ந்துள்ளார். ஒருகாலை ஊன்றிக்கொண்டு மற்றொரு காலால் 180 டிகிரியில் குதித்துக்கொண்டே திரும்பி மற்றொரு காலை ஊன்றும்வகையில் இந்த பயிற்சி காணப்படுகிறது. மிகவும் கடினமானதாக இந்த பயிற்சி காணப்படுகிறது.

Recommended Video

Why Rohit Sharma Should be T20 Captain replacing Kohli?

ரசிகர்கள் கோரிக்கை

இந்த வீடியோவை விராட் கோலி பகிர்ந்ததும், ரசிகர்கள் மிகவும் குஷியாகி விட்டனர். ஏராளமான லைக்குகளும் கமெண்ட்டுகளும் குவிந்து வருகின்றன. பிட்னஸ் ஜாம்பவானான விராட் கோலி, இதேபோல தங்களை ஊக்குவிக்க ஒரு ரசிகர் கோரிக்கை விடுத்துள்ளார். மற்றொருவரோ, அவர் எதை செய்தாலும் அது தனித்துவமாக உள்ளதாக தெரிவித்துள்ளார்.