ஜெர்ஸி நம்பரில் இப்படி ஒரு விளையாட்டா.... குறும்புக்கார ஹர்பஜன்... உண்மையை உடைத்த லக்‌ஷ்மணன்

நம்பர்

கிரிக்கெட் உலகில் வீரர்களின் ஜெர்சி நம்பர் என்பது மிகவும் செண்டிமண் நிறைந்த ஒன்று. நம்பர் 10 என்று கூறினால் சச்சின் டெண்டுல்கர் நிறைய பேருக்கு நியாபகம் வருவார். அதே போல் தோனியின் நம்பர் 7 ஜெர்ஸி, கோலியின் 18 ஜெர்ஸி என கிரிக்கெட் ரசிகர்கள் நன்கு நியாபகம் வைத்திருப்பார்கள். ஜெர்ஸி நம்பர்களுக்கு பின்னால் முக்கிய காரணம் இருக்கும். ஆனால் ஹர்பஜனின் ஜெர்ஸி நம்பருக்கு பின்னால் உள்ள காரணம் வேடிக்கையை ஏற்படுத்தியுள்ளது.

உண்மை

இது குறித்து பேசிய லக்‌ஷ்மண், 1999ம் ஆண்டு ஆஸ்திரேலிய சுற்றுப்பயணத்தின் போது இந்திய அணியின் மேனேஜர் எங்களிடம் உங்களுக்கு ஜெர்ஸி பின்னால் என்ன நம்பர் பதிக்க வேண்டும் எனக் கேட்டார். அதற்கு ஹர்பஜன் சிங் நாம் ஏர் இந்தியா விமானத்தின் நம்பர் வேண்டும் எனக்கூறியது வியப்பை ஏற்படுத்தியது என தெரிவித்தார்.

விளக்கம்

இதற்கு விளக்கமளித்துள்ள ஹர்பஜன் சிங், நான் ஆஸ்திரேலியாவில் இருந்து நாடு திரும்ப ஏர் இந்தியா விமானத்தில் தான் செல்வேன். எனவே அதன் நம்பரான A1777 என்பதை பொறித்த ஜெர்ஸியுடன் நான் அந்த விமானத்தில் பயணித்து இந்தியா வர விரும்பினேன். இது ஒரு நன்றி தெரிவிப்பது போன்றது என தெரிவித்தார்.

இரு ஜாம்பவான்கள்

லக்‌ஷ்மண் மற்றும் ஹர்பஜன் ஆகியோர் இந்திய அணியின் ஜாம்பவான்களாக திகழ்கின்றனர். லக்‌ஷ்மண் 8,781 ரன்களை குவித்துள்ளார். அதே போல ஹர்பஜன் சிங் டெஸ்ட் கிரிக்கெட்டில் அதிக விக்கெட் எடுத்த வீரர்கள் பட்டியலில் 417 விக்கெட்டுடன் உள்ளார். அதே போல் ஒரு நாள் போட்டிகளில் 269 விக்கெட்களும் டி20 போட்டியில் 25 விக்கெட்களும் எடுத்துள்ளார்.