களமிறங்கினார்
குல்தீப் யாதாவிற்கு பதிலாக சுந்தர் அணியில் எடுக்கப்பட்டது ஏன் என்று விமர்சனங்கள் வந்தது. ஆனால் சுந்தரின் பேட்டிங் நன்றாக இருக்கும், ஜடேஜாவின் இடத்தை இவர் கொஞ்சம் நிரப்ப வாய்ப்புள்ளது என்று கூறப்பட்டது. இதை பெரிய அளவில் விமர்சகர்கள் ஏற்றுக்கொள்ளாத நிலையில் வாஷிங்க்டன் சுந்தர் தனது சிறப்பான பேட்டிங் மூலம் தான் ஒரு சிறந்த ஆல் ரவுண்டர் என்பதை நிரூபித்துள்ளார்.
ஆல் ரவுண்டர்
வலிமையான ஆஸ்திரேலிய பவுலிங்கிடம் இந்திய அணியின் டாப் ஆர்டர் சரிந்த நிலையில் ரஹானேவிற்கு பின் வாஷிங்க்டன் சுந்தர் களமிறங்கினார். தொடக்கத்தில் ஒரு சில பந்துகள் நிதானம் காட்டிய சுந்தர் போக போக அதிரடியாக ஆடினார். முக்கியமாக ஸ்டார்ஸ், கும்மின்ஸ் பந்துகளில் அசால்ட்டாக பவுண்டரி அடித்தார்.
சிறப்பு
டி 20 போட்டிகளில் சிறப்பாக ஆடி வரும் சுந்தர் முதல் டெஸ்ட் போட்டியிலும் நன்றாக பேட்டிங் செய்தார் . தேவையில்லாத பந்துகளை விட்டுவிட்டு, வசதியாக வரும் பந்துகளை மட்டும் எதிர்கொண்டார். அதிலும் ஸ்டார்க் பவுலிங்கில் இவர் அசால்ட்டாக அடித்த பவுண்டரிகள் பெரிய அளவில் கவனம் ஈர்த்தது.
பேட்டிங்
டெஸ்ட் போட்டிக்கு ஏற்றபடி சுந்தர் தனது பேட்டிங் ஸ்டைலை மாற்றி ஆடி வருகிறார். இந்திய அண்டர் 19 அணியில் பண்ட் உடன் ஓப்பனிங் இறங்கி ஆடி வந்தவர் சுந்தர். தற்போது அந்த பழைய பேட்டிங் ஸ்டைலை ஆஸ்திரேலியாவிற்கு எதிராக மீட்டு கொண்டு வந்து அசத்தி வருகிறார். ஒரு கடத்தில்.. இவன் எப்படி போட்டாலும் அடிக்கிறான் என்று ஆஸ்திரேலிய பேட்ஸ்மேன்களே திணற தொடங்கினார்கள்.
அசத்தல்
முக்கிய பேட்ஸ்மேன்கள் எல்லாம் சொதப்பி டாப் ஆர்டர் சரிந்த நிலையில் தற்போது சுந்தரும் - ஷரத்துல் தாக்கூரும் சிறப்பாக ஆடி வருகிறார்கள். இதுவரை 82 பந்துகள் பிடித்துள்ள சுந்தர் 5 பவுண்டரியுடன் 38 ரன்கள் எடுத்துள்ளார். சரிவில் இருந்த இந்திய அணியை சுந்தர் - ஷரத்துல் ஜோடி மீட்டு கொண்டு வந்துள்ளது.