“ஓ.. இதுதான் கர்மா ஒரு பூமராங்க் என்பதா”.. வாகனை வறுத்தெடுத்த வசீம் ஜாஃபர்.. 2 வருட பகைக்கு முடிவு

என்னதான் பிரச்சினை

அந்தவகையில் இன்று ரசிகர்களை கவரும் வகையில் ஒற்றை ட்வீட்டால் வாகனின் மூக்கை உடைத்துள்ளார் வசீம் ஜாஃபர். கடந்த 2019ம் ஆண்டு நியூசிலாந்துக்கு சுற்றுப்பயணம் மேற்கொண்டிருந்த இந்திய அணி ஒருநாள் போட்டி தொடரில் பங்கேற்றது. அதில் 4வது போட்டியின் போது 96 ரன்களுக்கெல்லாம் இந்திய அணி ஆல் அவுட்டாகி அதிர்ச்சி கொடுத்தது.

மைக்கேல் வாகன் ட்வீட்

இதனை ட்விட்டரில் விமர்சித்திருந்த வாகன், இந்த காலத்திலும் ஒரு அணி 100 ரன்களுக்கும் குறைவாக ஆல் அவுட்டாவதை நம்ப முடியவில்லை என இந்திய அணியை விமர்சனம் செய்தார். இந்த பதிவு அப்போது விராட் கோலி ரசிகர்களிடையே கொந்தளிப்பை ஏற்படுத்தியிருந்தது.மேலும் அதனை பார்த்த இந்திய ரசிகர்கள் சிலரே இந்திய அணிக்கு எதிராக மோசமான விமர்சனங்களை சமூக வலைதளங்களில் முன்வைத்து வந்தனர்.

ஜாஃபரின் பதிலடி

இந்நிலையில் 2019ல் போட்ட அந்த ட்வீட்டிற்கு 2021ல் பதிலடி கொடுத்துள்ளார் வசீம் ஜாஃபர். ஆஸ்திரேலியாவுக்கு எதிரான ஆஷஸ் தொடரில் இங்கிலாந்து அணி தொடர்ந்து சொதப்பி வருகிறது. அதுவும் சமீபத்தில் நடந்து முடிந்த 3வது டெஸ்டில் 68 ரன்களுக்கெல்லாம் இங்கிலாந்து அணி மோசமாக ஆல் அவுட்டானது. நட்சத்திர வீரர்களால் கூட அந்த அணியை காப்பாற்ற முடியவில்லை.

ரசிகர்கள் கிண்டல்

இங்கிலாந்தின் இந்த ஸ்கோரை செல்போனில் பார்ப்பது போல் வீடியோ வெளியிட்டுள்ள வசீம் ஜாஃபர், மைக்கேல் வாகனின் பழைய ட்வீட்டை குறிப்பிட்டு விமர்சித்துள்ளார். இதற்கு வாகனும் "சிறந்த பதிவு வசீம்" என சைலண்டாக பதில் கொடுத்து தப்பித்துள்ளார். இந்த ட்வீட்டை தற்போது இந்திய அணி ரசிகர்கள் கர்மா பழித்தீர்க்கும் என விமர்சித்து வருகின்றனர்.