Click it and Unblock the Notifications
பாண்ட்யா கம்பேக்
காயத்தால் பாதிக்கப்பட்டு 2 ஆண்டுகளுக்கும் மேலாக வாய்ப்பின்றி இருந்த பாண்ட்யா ஐபிஎல் தொடர் மூலம் மீண்டும் இந்திய அணிக்குள் நீக்க முடியாத இடத்தை பிடித்துள்ளார். குறிப்பாக இங்கிலாந்து அணிக்கு எதிரான 3வது ஒருநாள் போட்டியில் அவர் அடித்த 77 ரன்கள் மற்றும் 4 விக்கெட்கள் இந்திய அணியின் பலத்தை கூட்டியுள்ளது.
ஜாஃபர் நம்பிக்கை
இந்நிலையில் கபில் தேவ்வாக ஹர்திக் பாண்ட்யா உருவெடுப்பார் என முன்னாள் வீரர் வசீம் ஜாஃபர் கூறியுள்ளார். இதுகுறித்து பேசிய அவர், கபில் தேவ்-ன் சாதனையை முறியடிக்க கூடிய அனைத்து தகுதிகளும் பாண்ட்யாவிடம் வந்துவிட்டது. கபில் தேவ் என்பது பெரிய இடம். அவரின் இடத்திற்கு செல்வது குறித்து இவ்வளவு சீக்கிரம் முடிவுக்கு வர முடியாது. எனினும் பாண்ட்யாவால் முடியும் என நினைக்கிறேன்
அடுத்த 7 ஆண்டுகள்
அடுத்த 5 முதல் 7 ஆண்டுகளுக்கு ஹர்திக் பாண்ட்யா இதே போன்று விளையாடி வந்தால் நிச்சயம் கபில் தேவ்-க்கு அருகில் சென்றுவிடுவார். எனவே இந்த ஃபார்மை இழந்துவிடாமல் ஹர்திக் பாண்ட்யா தொடர்ந்து சிறப்பாக விளையாட வேண்டும் என வசீம் ஜாஃபர் கூறினார்.
கபில் சாதனைகள்
சர்வதேச அளவில் 225 ஒருநாள் போட்டிகளில் விளையாடிய கபில் தேவ் 3,783 ரன்களை அடித்துள்ளார். இதில் ஒரு சதமும், 14 அரைசதமும் அடங்கும். பந்துவீச்சை பொறுத்தவரையில் 221 இன்னிங்ஸ்களில் 253 விக்கெட்களை கைப்பற்றியுள்ளார். ஹர்திக் பாண்ட்யாவோ, தற்போது வரை 66 ஒருநாள் போட்டிகளில் விளையாடி 1,386 ரன்களை அடித்துள்ளார். இதில் 8 அரைசதங்கள் அடங்கும். இதே போல 63 விக்கெட்களை கைப்பற்றியுள்ளார்.
Continue with Google