ஆஸி.யை அலறவிட்ட டோணியின் மின்னல் வேக ஸ்டெம்பிங்! வைரல் வீடியோ

ஆரம்பத்தில் அசத்தல்

ஆனால், இந்திய அணியின் வேகப்பந்து வீச்சாளர் புவனேஸ்வர்குமாரின் ஸ்விங் பந்துக்கு பதில் சொல்ல முடியாமல் ஆரம்பத்திலேயே அடி வாங்கியது ஆஸ்திரேலியா. இருப்பினும் மேக்ஸ்வெல் வழக்கமான பாணியில் அதிரடியை தொடங்கியபோது இந்திய ரசிகர்கள் நம்பிக்கை குறையத் தொடங்கியது.

மேக்வெல் அதிரடி

18 பந்துகளில் 14 ரன்களை எடுத்தார் மேக்ஸ்வெல். அதில் 2 சிக்சர்களும் அடங்கியிருந்தது. டேஞ்சராக காட்சியளித்தார் மேக்ஸ்வெல். அவரை அதிக நேரம் களத்தில் விட்டால் இந்தியாவின் வெற்றிவாய்ப்பை பறித்துவிடுவார் என்பது டோணிக்கும் தெரியும். எனவேதான், சஹல் அவருக்கு பந்து வீசியபோது, ஹிந்தியில், எந்த இடத்தில் பந்து வீச வேண்டும் என்பதை கூறி ஐடியா கொடுத்தபடி இருந்தார்.

டோணி கொடுத்த டிப்ஸ்

டோணியின் ஐடியாப்படி பந்து வீசிய சஹலின் 9 பந்துகளில் 1 ரன் கூட எடுக்க முடியாமல் திணறினார் மேக்ஸ்வெல். 23வது ஓவரை சஹல் வீசியபோது பொறுமை இழந்த மேக்ஸ்வெல் பிட்சிலிருந்து இறங்கிவந்து அடிக்க முற்பட்டார். ஆனால் அந்த பந்து 'டர்ன்' ஆகியதால் பேட்டில் படவில்லை. மேக்ஸ்வெல்லின் உடலில் பட்ட அந்த பந்து லெக் திசையில் போனது.

மின்னல் வேக ஸ்டெம்பிங்

இருப்பினும் எளிதாக பிடிக்கமுடியாத அந்த பந்தை பிடித்த டோணி, மேக்ஸ்வெல் மீண்டும் பிட்சுக்குள் வருவதற்கு முன்பாகவே மின்னல் வேகத்தில் செயல்பட்டு ஸ்டெம்பிங் செய்தார். டோணியின் மின்னல் வேக ஸ்டெம்பிங்கால் மேக்ஸ்வெல் ஆட்டம் முடிவடைந்தது. ஆஸி. மொத்தமே வார்னர், மேக்ஸ்வெல், ஸ்மித் ஆகிய மூவரைத்தான் பேட்டிங்கில் பெரிதும் நம்பியிருந்தது. வார்னர் முதலிலேயே கிளம்பிவிட்டார். மேக்ஸ்வெல்லை கஷ்டமான ஸ்டெம்பிங் மூலம் வெளியே அனுப்பி இந்திய வெற்றியை சாத்தியமாக்கினார் டோணி.

கம்பீரம்

டோணி ஸ்டெம்பிங்கை சிஎஸ்கே அணி டிவிட்டரில் பாராட்டியுள்ளது. மகேந்திர லைட்னிங் டோணி என்று மின்னலோடு அவரை ஒப்பிட்டுள்ளது. கூலான டோணியும் கூட இந்த ரிஸ்கான ஸ்டெம்பிங்கை கொண்டாடும் விதத்தில் பந்தை மேலே எறிந்து கம்பீரம் காட்டினார். இந்த வீடியோ வைரலாக சுற்றி வருகிறது.