கெய்ல் புயலை கோஹ்லி குடையை வைச்சு சமாளிச்சுர மாட்டோம்... நம்பிக்கையுடன் இந்தியா!

இருவருக்கும் நேருக்கு நேர்

இந்தியாவும் மேற்கு இந்தியத் தீவுகளும் இதுவரை 4 டி20 போட்டிகளில் ஆடியுள்ளன. இதில் இரு அணிகளும் ஆளுக்கு 2 போட்டிகளில் வென்று சம பலத்தில் உள்ளன.

உலகக் கோப்பையில்

டி20 உலகக் கோப்பையில் இரு அணிகளும் 3 போட்டிகளில் மோதியுள்ளன. அதில் 2 போட்டிகளில் மேற்கு இந்தியத் தீவுகள் வெற்றி பெற்றுள்ளது. இந்தியா ஒரு போட்டியில் வென்றுள்ளது.

2009ல்

2009ம் ஆண்டு லார்ஸ்ட் மைதானத்தில் நடந்த உலகக் கோப்பைப் போட்டியில் மேற்கு இந்தியத் தீவுகள் அணி இந்தியாவை 7 விக்கெட் வித்தியாசத்தில் தோற்கடித்தது.

2010ல்

2010ம் ஆண்டு பார்படாஸில் நடந்த போட்டியில் மேற்கு இந்தியத் தீவுகள் அணி, 14 ரன்கள் வித்தியாசத்தில் இந்தியாவை வீழ்த்தியது.

2014ல்

2014ம் ஆண்டு ஆண்டு மிர்பூரில் நடந்த உலகக் கோப்பைப் போட்டியில் 7 விக்கெட் வித்தியாசத்தில் மேற்கு இந்தியத் தீவுகளை, இந்தியா வீழ்த்தியது.

கோஹ்லியா.. கெயிலா?

இந்த முறை இந்தியாவின் கை ஓங்கியே உள்ளது. போட்டி நடைபெறுவது இந்தியாவில் என்பது மட்டுமல்ல, கோஹ்லி அட்டகாசமான பார்மில் இருக்கிறார். டோணி இருக்கிறார். நல்ல பவுலிங் உள்ளது. எனவே கெயில் புயலை கோஹ்லி என்ற கேடயத்தை வைத்து சமாளிக்க முடியும் என்ற நம்பிக்கையில் இந்தியா உள்ளது.