ஷாருக்கானையே வாங்கிட்டோ...ஷாருக்கானின் மகனை கிண்டல் செய்த ப்ரீத்தி சிந்தா... வைரல் வீடியோ

கடும் போட்டி

ஷாருக்கானை ஏலம் எடுப்பதற்கு முதலில் டெல்லி கேப்பிடல்ஸ் அணி ஆர்வம் காட்டியது. இதனையடுத்து அவருக்கான ஏலத்தில் பெங்களூரு அணி சேர்ந்தது. இரு அணிகள் போட்டிப்போட்டு கொண்டு ஏலம் கேட்க ஏலம் 2 கோடியை தாண்டிச் சென்றது. இதனால் டெல்லி அணி பின்வாங்கியது.

ஏலம்

டெல்லி பின் வாங்கிய பின்பு பஞ்சாப் கிங்ஸ் அணி ஆர்.சி.பிக்கு போட்டியாக ஏலம் கேட்க தொடங்கியது. இரு அணிகளுக்கும் கடும் போட்டி நிலவிய நிலையில் இறுதியில் பஞ்சாப் அணி ஷாருக்கானை ரூ.5.25 கோடிக்கு ஏலம் எடுத்தது. பெங்களூரு அணி 5 கோடியுடன் பின் வாங்கியது.

ஆர்யன்

ஐபிஎல் ஏலத்தின் போது நடிகர் ஷாருக்கானின் மகன் ஆர்யன் வருகை தந்திருந்தார். அப்போது அவரை பார்த்த ப்ரீத்தி சிந்தா, நாங்கள் ஷாருக்கானை வாங்கிவிட்டோம் என கிண்டல் செய்தார். இந்த வீடியோ இணையத்தில் வைரலாகி வருகிறது.

ஷாருக்கான்

தமிழகத்தை சேர்ந்தவரான ஷாருக்கான், உள்நாட்டு தொடர்களில் இதுவரை 31 டி20 போட்டிகளில் விளையாடி 293 ரன்கள் எடுத்துள்ளார். சமீபத்தில் நடைபெற்ற சையது முஷ்டக் கோப்பையில் அவர் அதிரடி ஆட்டத்தால் 88 ரன்கள் எடுத்தது அனைவரின் கவனத்தை ஈர்த்தது குறிப்பிடத்தக்கது.