நிறைய கத்துக்கலாம்.. கும்ப்ளேவின் "ரசிகர்" முரளி விஜய் குதூகலப் பேட்டி!

முதலும், முடிவும்

எனது முதல் டெஸ்ட் போட்டிதான், கும்ப்ளேவுக்குக் கடைசி டெஸ்ட் போட்டி. எனவே என்னால் அப்போது அவருடன் நிறைய நேரம் செலவிட முடியவில்லை. ஆனால் இளம் வயதிலிருந்தே நான் கும்ப்ளேவின் தீவிர ரசிகர்.

பொன்னான வாய்ப்பு

இப்போது இளம் தலைமுறை வீரர்களுக்கு பொன்னான வாய்ப்பு கிடைத்துள்ளது. அடுத்த ஒரு வருடத்திற்கு நம்முடன் இருக்கப் போகிறார் கும்ப்ளே. அவரிடமிருந்து நிறைய கற்றுக் கொள்ளலாம்.

கிரேட் காம்பினேஷன்

கும்ப்ளே - கோஹ்லி காம்பினேஷன் குறித்து இப்போதே பதிலளிக்க முடியாது. அது நியாயமாக இருக்காது. ஆனால் நிச்சயம் அடுத்த 12 மாதமும் கிரேட்டாக இருக்கும் என்பதில் சந்தேகம் இல்லை.

சாஸ்திரி

ரவி சாஸ்திரி இயக்குநராக இருந்தபோது அவரிடமிருந்தும் நிறைய கற்றுக் கொண்டோம். தற்போது கும்ப்ளேவிடமிருந்தும் நிறைய கரற்றுக் கொள்ள முயற்சிப்போம் என்றார் முரளி விஜய்.