யார் இந்த அஜாஸ் பட்டேல்..?? சொந்த ஊரில் சாதனை படைத்த நியூசி.வீரர்..!!

உள்ளூர் போட்டி

2015 ஃபோர்ட் கோப்பையில் அஜாஸ் பட்டேல் முதல் முறையாக களமிறங்கினார். அதன் பின் நடைபெற்ற பிளங்கட் ஷீல்ட் கோப்பை தொடரில் ஒரே சீசனில் 43 விக்கெட்டுகளை வீழ்த்தினார்.இதே போன்று 2016/17ஆம் ஆண்டு சீசனில் 44 விக்கெட்டுகளை வீழ்த்தினார் அஜாஸ் பட்டேல்.2018ஆம் ஆண்டு உள்ளூர் போட்டிகளுக்கான சிறந்த வீரர் என்ற விருதை அஜாஸ் பட்டேல் பெற்றார்.

முதல் போட்டி

இதன் பின்னர் 2018ஆம் ஆண்டு சர்வதேச டெஸ்ட் கிரிக்கெட்டில் களமிறங்கினார் அஜாஸ் பட்டேல். இரண்டாவது இன்னிங்சில் பாகிஸ்தானுக்கு 176 ரன்கள் வெற்றி இலக்காக நியூசிலாந்து நிர்ணயித்தது. பாகிஸ்தான் 141 ரன்களுக்கு 4 விக்கெட் எடுத்திருந்த போது தனது மாயஜால பந்துவீச்சால் 5 விக்கெட்டுகளை வீழ்த்தி நியூசிலாந்து அணிக்கு வெற்றியை தேடி தந்தார்.

25 ஆண்டுகள்

சுமார் 25 ஆண்டுகளுக்கு பிறகு தனது பிறந்த ஊரான மும்பைக்கு வந்த அஜாஸ் பட்டேல், காலத்திற்கும் அழியாத சாதனையை படைத்தார். இந்த 10 விக்கெட்டுகளில் உங்களுக்கு பிடித்த விக்கெட் எது என்று கேள்வி எழுப்பட்டது. அதற்கு, விக்கெட்டுகள் பற்றி ஏதும் இல்லை. நல்ல பந்துகளை வீசுவது பொருத்து தான் உள்ளது என்று பதில் அளித்தார்.

வேக பந்துவீச்சு

அஜாஸ் பட்டேல் முதலில் இடதுகை வேகப்பந்துவீச்சாளராக தான் தனது கிரிக்கெட் வாழ்க்கையைத் தொடங்கினார். அப்போது அவருக்கு போதிய உயரம் இல்லாததால் அவரது பயிற்சியாளர் சுழற்பந்துவீச்சை தேர்வு செய்ய அறிவுறுத்தினார். 30 வயதுக்கு பிறகு ஏதும் சாதிக்க முடியாது என்று நினைக்கும் இளைஞர்களே, அஜாஸ் பட்டேல், 4 வருடம் உள்ளூர் கிரிக்கெட்டில் கலக்கிய பிறகு, 30 வயதில் தான் முதல் சர்வதேச டெஸ்ட் போட்டியில் விளையாடினார். ஒரே இன்னிங்சில் 10 விக்கெட்டுகளை வீழ்த்திய அஜாஸ் பட்டேலுக்கு தற்போது வயது 33..