டெஸ்ட் பேட்டிங்
கபில்தேவ் 131 டெஸ்ட்களில் 31.05 சராசரியுடன் 5,248 ரன்கள் எடுத்துள்ளார். அதில் 8 சதம், 27 அரைசதம் அடங்கும். இம்ரான் 88 டெஸ்ட்களில் 6 சதம், 18 அரை சதங்களுடன் 3,807 ரன்கள் எடுத்துள்ளார். அதிக ரன்கள் என்ற அடிப்படையில் கபில் முன்னிலையில் உள்ளார். ஆனால் இம்ரானின் சராசரி 37.69 சதவீதமாகும்.
டெஸ்ட் பவுலிங்
434 விக்கெட்கள் வீழ்த்தி உலகச் சாதனையைப் புரிந்தவர் கபில்தேவ். அவர் சராசரியாக ஒரு விக்கெட்டை வீழ்த்த 29.64 ரன்கள் கொடுத்துள்ளார். அதே நேரத்தில் 362 விக்கெட்களை வீழ்த்தியுள்ள இம்ரானின் சராசரி 22.81 ரன்களாகும்.
ஒன்-டே பேட்டிங்
175 ஆட்டங்களில் இம்ரான் 3,709 ரன்கள் எடுத்துள்ளார். கபில் 225 ஆட்டங்களில் 3,783 ரன்கள் எடுத்துள்ளார். கபிலின் 95.07 ஸ்டிரைக் ரேட்டோடு ஒப்பிடுகையில் இம்ரானின் ரேட் 72.65 தான். அதாவது கபில் கிட்டத்தட்ட ஒவ்வொரு பந்துக்கும் ஒரு ரன் எடுத்துள்ளார்.
ஒன்-டே பவுலிங்
கபில் 253 விக்கெட்களையும், இம்ரான் 182 விக்கெட்களையும் வீழ்த்தியுள்ளனர். சராசரியை ஒப்பிட்டால் இருவரும் கிட்டத்தட்ட ஒரே நிலையில் உள்ளனர். இம்ரான் 26.61 சராசரி என்றால் கபில் 27.45. ஒட்டுமொத்தமாக புள்ளி விவரங்களின் அடிப்படையில் பார்த்தால், கபிலைவிட இம்ரான் சற்று முன்னிலையில் உள்ளார். ஆனால், இம்ரானைவிட அதிக காலம், அதிகப் போட்டிகளில் கபில் பங்கேற்றுள்ளார்.