தொடக்க வீரராக யாருக்கு இடம்.. கேஎல் ராகுல், சுப்மன் கில் இடையே கடும் போட்டி.. குழப்பத்தில் ரோகித்

கேஎல் ராகுல் ஃபார்ம்

இந்திய டெஸ்ட் அணியில் துணை கேப்டனாக கேஎல் ராகுல் இருப்பதால், அவருக்கு தான் முதல் வாய்ப்பு வழங்கப்படும் என தெரிகிறது. கேஎல் ராகுல், கடைசியாக வங்கதேசத்துக்கு எதிராக விளையாடிய போது 22, மற்றும் 23 ரன்களும், 10 மற்றும் 2 ரன்களுமே அடித்தார். அதன் பிறகு விளையாடிய இலங்கைக்கு எதிரான ஒருநாள் போட்டியில் 39,64 மற்றும் 7 ரன்களை கேஎல் ராகுல் அடித்தார்.

ஆஸி.க்கு எதிராக ராகுல்

தற்போது திருமணம் முடிந்த உடன் கேஎல் ராகுல் டெஸ்ட போட்டியில் தனது தாக்கத்தை ஏற்படுத்துவதற்காக கடும் பயிற்சியில் ஈடுபட்டு வருகிறார். இதுவரை ஆஸ்திரேலியாவுக்கு எதிராக 9 டெஸ்டில் விளையாடி 580 ரன்கள் கேஎல் ராகுல் அடித்துள்ளார். இதில் 1 சதமும், 6 அரைசதமும் அடங்கும். இதில் சராசரி 38 ரன்கள் ஆகும்.

சுப்மன் கில் ஃபார்ம்

ஆனால் சுப்மன் கில்லை பொறுத்தவரை 2023ஆம் ஆண்டு வேற லெவலில் ரன்களை விளாசி இருக்கிறார். சுப்மன் கில் நடப்பாண்டில் 12 இன்னிங்சில் 769 ரன்களை விளாசி இருக்கிறார். தற்போது ஃபார்மை பொறுத்தவரை கில் தான் முதலிடத்தில் இருப்பதால், அவருக்கு தான் முன்னுரிமை வழங்கி இருக்க வேண்டும்.

நடுவரிசையில் இடம்

ஆனால் கேஎல் ராகுல் தொடக்க வீரராக களமிறங்குவதால் சுப்மன் கில்லை ஸ்ரேயாஸ் ஐயருக்கு பதில் நடுவரிசையில் விளையாட வையுங்கள் என்ற கோரிக்கை எழுந்துள்ளது. இதனிடையே, இந்த விவகாரம் குறித்து பேசிய இர்பான் பதான் தொடக்க வீரராக கில்லுக்கு தான் வாய்ப்பு கொடுக்க வேண்டும் என்று பேசியுள்ளார்.