சிறப்பான ஆட்டம்
ஷாகிப் அல் ஹாசன், முஷ்பிகுர் ரஹீம் அனுபவ ஜோடியின் பொறுப்பான ஆட்டம், இறுதி கட்ட நேரத்தில் மகமதுல்லாவின் அதிரடியால் 50 ஓவர் முடிவில் 330 ரன்களை குவித்தது. 331 ரன்கள் என்ற இலக்குடன் களமிறங்கிய தென்னாப்பிரிக்க அணி, 309 ரன்கள் மட்டுமே எடுத்தது.
வங்கதேசம் வெற்றி
இதையடுத்து 21 ரன்கள் வித்தியாசத்தில் வங்கதேச அணி வெற்றி பெற்றது. மிகப்பெரிய இலக்கு என்பதால் மிகுந்த கவனத்துடன் தான் சேசிங் இன்னிங்சை தொடங்கியது தென் ஆப்ரிக்கா.டுபிளெசிஸ், மார்க்ராம், மில்லர், வான்டர் டசன் ஆகியோர் சிறப்பாக ஆடினர்.
4 ஓவர்களில் திருப்பம்
ஆனால், எதிர்பார்த்த அளவு அது பலிக்கவில்லை. இரு அணிகளுமே சிறப்பாக தான் ஆடின. இருப்பினும், வங்கதேச அணியின் இன்னிங்சில் கடைசி 4 ஓவர்கள் தான் இரு அணிகளுக்கும் இடையேயான வித்தியாசமாக இருந்திருக்கிறது. ஷாகிப் அல் ஹாசன், முஷ்பிகுர் ரஹீம் ஜோடி பிரிந்தவுடன் வங்கதேச பேட்டிங்கில் தொய்வு உருவானது.
அதே 276 ரன்கள்
46 ஓவர் முடிவில் வங்கதேச அணியின் ஸ்கோர் 276. கடைசி 4 ஓவர்கள் தான் வங்கதேசத்தை தலைகீழாக மாற்றிவிட்டது. அப்போது மகமதுல்லாவின் அதிரடி கை கொடுத்தது. 4 ஓவர்கள்.... 54 ரன்கள்... வங்க தேசம் 300 ரன்களை கடக்க உதவியது.
அதிரடி ரன் மழை
47வது ஓவரில் 3 பவுண்டரிகள் உட்பட 15 ரன்கள் வந்தது. 48வது ஓவரில் 11 ரன்கள், 49 மற்றும் 50 ஆகிய இரண்டு ஓவர்களிலும் தலா 14 ரன்களும் வந்தன. கடைசி 4 ஓவர்களில் மகமதுல்லா அதிரடி தான் வங்கதேச அணியின் ஸ்கோர் 330 ரன்கரள எட்ட உதவியது.
தென் ஆப்ரிக்கா தோற்றது
வங்கதேசம் போன்று அதிரடியாக 4 ஓவர்களில் ரன்களை குவிக்க முடிய வில்லை. அதே நேரத்தில் டும்னி மட்டும் தான் கொஞ்சம் வலுவாக ஆடக்கூடிய வீரராக இருந்தார். மற்றவர்கள் அவருக்கு உறுதுணையாகவும் பேட்டிங் செய்ய வில்லை. விளைவு... வங்கதேச அணியுடன் அதிர்ச்சி தோல்வியை சந்தித்து இருக்கிறது.
பலமுறை சொதப்பல்
பதற்றமான நேரத்தில் சொதப்புவது என்பது தென் ஆப்ரிக்க கிரிக்கெட் விளையாட்டில் பழகி போன ஒன்று. 1999ம் ஆண்டு அரையிறுதி போட்டியை கூறலாம். ஆஸி அணியின் 213 என்ற ஸ்கோரை தொட்டது தென் ஆப்ரிக்கா. கைவசம் 4 பந்துகள், ஒரு விக்கெட் பாக்கி.
முதல் முறை அல்ல
தென் ஆப்ரிக்கா தான் வெற்றி பெறும் என்ற எதிர்பார்த்த வேளையில் பதற்றம் அடைந்து இருந்த ஒரு விக்கெட்டையும் இழந்து, இறுதி போட்டி வாய்ப்பை கோட்டை விட்டனர். கோப்பையையும் கைவிட்டனர். எனவே, தென் ஆப்ரிக்க அணிக்கு இது ஒன்றும் புதிது அல்ல என்று சொல்லலாம்.