இனி நான் யுனிவர்சல் பாஸ் அல்ல.. கிறிஸ் கெயில் எடுத்த திடீர் முடிவு.. ஐசிசி-யால் வந்த வினை - விவரம்

தொடக்கமே அதிர்ச்சி

142 ரன்கள் என்ற எளிய இலக்கை விரட்டிய வெஸ்ட் இண்டீஸ் அணியில், ஆரம்பமே அதிர்ச்சி காத்திருந்தது. ஓப்பனர்கள் ஆண்ட்ரே ப்ளட்சர் (4), சிம்மன்ஸ் (15) ஆகியோர் வந்த வேகத்தில் வெளியேறினர். பின்னர் கிறிஸ் கெயில் தான் அணியை மீட்டு கொண்டு வந்தார். ஆஸ்திரேலிய வீரர்களின் பந்துவீச்சை நாலா புறமும் சிக்ஸருக்கு விரட்டி அசத்தினார். அவர் 38 பந்துகளில் 7 சிக்ஸர்கள், 4 பவுண்டரிகள் உட்பட 67 ரன்கள் குவித்து பழைய ஃபார்முக்கு திரும்பினார்.

அவர் 38 பந்துகளில் 7 சிக்ஸர்கள், 4 பவுண்டரிகள் உட்பட 67 ரன்கள் குவித்து பழைய ஃபார்முக்கு திரும்பினார்.

தி பாஸ்

இந்த போட்டியில் யாரும் எதிர்பார்க்காத சுவாரஸ்ய சம்பவம் ஒன்றும் நிகழ்ந்தது. கிறிஸ் கெயிலுக்கு தி யுனிவர்சல் பாஸ் என்ற அடைமொழியும் உண்டு. ஐபிஎல் ரசிகர்கள் அந்த பெயரில் தான் அவரை அழைப்பார்கள். கெயிலும் தன்னை அப்படி அழைக்கவே விரும்புவார். அதற்கேற்றார் போல தனது பேட்டில் யுனிவர்செல் பாஸ் என்ற ஸ்டிக்கரை ஒட்டியிருப்பார். இந்நிலையில் நேற்று நடைபெற்ற 3வது டி20 போட்டியில் வெறும் 'பாஸ்' என்று மட்டுமே ஸ்டிக்கர் ஒட்டப்பட்டிருந்தது.

காரணம் என்ன

ஏன் இந்த திடீர் மாற்றம் என கெயிலிடம் கேட்கப்பட்ட கேள்விக்கு அவர், நான் யுனிவர்சல் பாஸ் என்று கூற விரும்புவேன் தான். எனினும் நான் அப்படி கூறிக்கொள்வது ஐசிசி-க்கு பிடிக்கவில்லை. அப்படி கூறிக்கொள்ள கூடாது என நினைக்கிறது எனவே, நான் எனது அடைமொழியை சுருக்கி தி பாஸ் என்று வைத்துக்கொண்டேன் எனத்தெரிவித்தார். மேலும் யுனிவர்சல் பாஸ் என அழைக்க ஐசிசி காப்புரிமை வைத்துள்ளதா என நிருபர் ஒரு கேள்வியை எழுப்பினார். இதற்கு பதிலளித்த கெயில், நான் தான் அதற்கு காப்புரிமை வாங்கியிருக்க வேண்டும். ஐசிசி அல்ல.. நான் டெக்கினிக்கலி ஸ்ட்ராங் என அவர் கூறினார்.

புதிய மைல்கல்

நேற்று நடைபெற்ற போட்டியில் புதிய சாதனை ஒன்றையும் கெயில் படைத்தார். இதுவரை 431 டி20 போட்டிகளில் விளையாடியுள்ள அவர், 14,038 ரன்களை குவித்துள்ளார். இவருக்கு அடுத்த இடத்தில் 545 போட்டிகளில் விளையாடியுள்ள அவர் 10, 836 ரன்களை விளாசியுள்ளார் என்பது குறிப்பிடத்தக்கது.