இங்கிலாந்து நிதானம்
இங்கிலாந்து அணியின் தொடக்க ஆட்டக்காரரும், கடந்த ஆட்டத்தில் சிறப்பாக விளையாடிய டாம் பான்டன் 4 ரன்களில் வெளியேற,மறுமுனையில் சிறப்பாக விளையாடிய ஜேசன் ராய் அரைசதம் விளாசினார்.ஜேம்ஸ் வீன்ஸ் தன் பங்கிற்கு 34 ரன்கள் சேர்த்தார்.லிவிங்ஸ்டோன் 16 ரன்கள் எடுக்க,இங்கிலாந்து அணி 17 ஓவர் முடிவில் 3 விக்கெட் இழப்பிற்கு 134 ரன்கள் மட்டுமே எடுத்திருந்தது.
மொயின் அலி 63
ஜேசன் ஹோல்டர் வீசிய 18வது ஓவரில் இங்கிலாந்து அணியின் தற்காலக கேப்டனும், சி.எஸ்.கே. வீரருமான மொயின் அலி தொடர்ந்து 4 பந்துகளில் 4 சிக்சர் விரட்டி அந்த ஓவரில் 28 ரன்கள் குவித்தார். இதனால் ஸ்கோர் ராக்கெட் வேகத்தில் உயர்ந்தது. 23 பந்துகளில் அரைசதம் கடந்த மொயின் அலி, 7 சிக்சர்களுடன் 63 ரன்கள் விளாசினார். இதனால் இருபது ஓவர் முடிவில் இங்கிலாந்து அணி 6 விக்கெட் இழப்பிற்கு 193 ரன்கள் எடுத்தது.
194 இலக்கு
194 ரன்கள் எடுத்தால் வெற்றி என்ற இலக்குடன் களமிறங்கிய மேற்கிந்திய தீவுகள் அணியில் பிரண்டன் கிங் பொறுமையாக 26 ரன்கள் சேர்க்க, நீண்ட நாட்களுக்கு பின் அணிக்கு திரும்பிய கையில் மெயர்ஸ், 23 பந்துகளில் 40 ரன்கள் விளாசினார். பூரான் தன் பங்கிற்கு 22 ரன்கள் சேர்த்தார்.
தோல்வி
கடந்த போட்டியில் சதம் விளாசிய போவெல் 5 ரன்களில் வெளியேறினார்.ஹோல்டர் தன் பங்கிற்கு 36 ரன்களும், பொலார்ட் 18 ரன்களும் எடுக்க மேற்கிந்திய தீவுகள் அணி 5 விக்கெட் இழப்பிற்கு 159 ரன்கள் மட்டுமே எடுத்து தோல்வியை தழுவியது. பந்துவீச்சிலும் மொயின் அலி 2 விக்கெட்டுகளை எடுத்தது. இதன் மூலம் இங்கிலாந்து 2க்கு2 என்ற கணக்கில் தொடரை சமன் செய்தது. தொடரை தீர்மானிக்கும் கடைசி போட்டி இன்று இரவு நடைபெறுகிறது.