"இன்ஸி" ரெக்கார்டுக்கு வருது ஆபத்து.. விரட்டியடிக்க தயாராகிறார் கோலி!

29 - 72

29 வயதாகும் கோலி இதுவரை 72 டெஸ்ட் போட்டிகளில் ஆடியுள்ளார். 54.66 பேட்டிங் சராசரியுடன் 6286 ரன்களை குவித்துள்ளார். அதேசமயம், இன்ஸமாம் உல் ஹக் 120 டெஸ்ட் போட்டிகளில் ஆடி 8830 ரன்களே எடுத்துள்ளார். அவரது சராசரியும் கம்மிதான் அதாவது 49.60.

21வது இடத்தில் கோலி

24 டெஸ்ட் சதங்களுடன் சத சாதனையாளர்கள் வரிசையில் 21வது இடத்தில் இருக்கிறார் கோலி. முதலிடத்தில் இருப்பவர் யார் தெரியுமா.. வேற யாரு நம்ம கடவுள்தான். மொத்தம் 51 சதங்களுடன் சச்சின் முதலிடத்தை விட்டு அகலாமல் அப்படியே இருக்கிறார். டெண்டுல்கரின் மொத்த டெஸ்ட் ரன்கள் 15,921 ஆகும். 20 டெஸ்ட் போட்டிகளில் ஆடியுள்ளார். சராசரி 53.78.

இதில் நம்பர் 2

ஒரு நாள் போட்டிகளில் அதிக சதம் விளாசிய வீரர்கள் வரிசையில் 2வது இடத்தில் இருக்கிறார் கோலி. அதாவது 35 சதங்கள் விளாசியுள்ளார். சச்சின் தான் இங்கும் நம்பர் 1. மொத்தம் 49 சதம் எடுத்துள்ளார் சச்சின்.

டம்மி டீம்

தற்போது இந்தியாவுக்கு வந்துள்ள மேற்கு இந்தியத் தீவுகள் அணி சொதப்பலாக உள்ளது. சொத்தை அணியான இந்த அணியுடனான முதல் டெஸ்ட் போட்டியை இன்னிங்ஸ் 272 ரன்கள் வித்தியாச வெற்றியுடன் இந்தியா முடித்தது. புதுமுக வீரர் பிருத்வி ஷா அபார சதம் போட்டார். ஜடேஜாவும் சதமடித்தார். கோலியும் ஒரு சதம் போட்டார்.

பார்க்கலாம் இன்ஸமாம் சாதனையை கோலி முறியடிப்பாரா அல்லது சமன் செய்வாரா என்பதை.