13ம் எண் ராசியும், இந்திய அணி கேப்டன் டோணியும்... கைகொடுக்குமா கடைசி டெஸ்ட்?

அதிகப்படியான தோல்வி

வெளிநாட்டு மண்ணில் டோணி தலைமையிலான இந்திய அணி 13 டெஸ்ட் போட்டிகளில் தோற்றுள்ளது. இந்திய அணி தலைவர் ஒருவரது தலைமையில் வெளிநாட்டில் தோற்ற அதிகப்படியான எண்ணிக்கை இதுவாகும்.

லாரா, பிளம்மிங்

உலக அளவில் நியூசிலாந்தின் ஸ்டீபன் பிளம்மிங்கும், மேற்கிந்திய தீவுகளின் பிரையன் லாாராவும் தங்கள் அணியை வெளிநாட்டு மண்ணில் 16 முறை மண்ணை கவ்வ செய்துள்ளனர். எனவே வெளிநாட்டில் அதிக தோல்வியடைந்த அணியின் கேப்டன்கள் என்ற, மோசமான சாதனையை இருவரும் பகிர்ந்து கொண்டுள்ளனர்.

இப்படியே இருக்கிறேனப்பா

வெளிநாட்டில், இன்னும் மூன்று போட்டிகளில் இந்திய கிரிக்கெட் அணி தோல்வியடைந்தால் டோணியும், லாரா மற்றும் பிளெம்மிங் வரிசையில் போய் சேருவார். எனவே 13 தோல்வி என்ற பட்டியலில் தொடரவே டோணி விரும்புகிறார்.

வெற்றி பெற்றேயாக வேண்டும்

இந்தியா, இங்கிலாந்து நடுவேயான முதல் டெஸ்ட் டிரா, 2வது டெஸ்ட்டில் இந்தியா வெற்றி, 3மற்றும் 4காவது டெஸ்டுகளில் இங்கிலாந்து வெற்றி பெற்றுள்ளது. ஐந்தாவது மற்றும் கடைசி டெஸ்ட்டில் இந்தியா வென்றால்தான் தொடரை டிரா செய்ய முடியும் என்ற கட்டாயம் ஏற்பட்டுள்ளது.

கை கொடுக்குமா கடைசி டெஸ்ட்

எனவே கடைசி டெஸ்ட் கைகொடுத்தால்தான் டோணி மேலும் நழுவாமல் இப்போதுள்ள நிலையில் தொடர முடியும். எனவே 13ம் எண்ணே காப்பாற்று என்று கூறும் நிலை டோணிக்கு. காலை வாறுகிறதா கை கொடுக்கிறதா 13 என்பது இந்த வார இறுதியில் தெரியவந்துவிடும்.