யுவராஜ் சிங், ஏபி டிவில்லியர்ஸ் ஆடப்போகும் WCL 2025 தொடர் எப்போது? முழு அட்டவணை, போட்டி நேரம்

லண்டன்: கிரிக்கெட் ரசிகர்களுக்கு ஒரு நற்செய்தியாக, முன்னாள் கிரிக்கெட் வீரர்கள் பங்கேற்கும் 2025 வேர்ல்டு சாம்பியன்ஷிப் ஆஃப் லெஜண்ட்ஸ் (WCL) தொடர் இங்கிலாந்தில் கோலாகலமாக தொடங்க உள்ளது. ஜூலை 18 முதல் ஆகஸ்ட் 2 வரை நடைபெறவுள்ள இந்த தொடரில், இந்தியா, பாகிஸ்தான், இங்கிலாந்து, ஆஸ்திரேலியா, தென்னாப்பிரிக்கா மற்றும் வெஸ்ட் இண்டீஸ் சாம்பியன்ஸ் என ஆறு அணிகள் பங்கேற்கின்றன.

நட்சத்திர வீரர்கள் மோதல்:

இந்த தொடரில், யுவராஜ் சிங், ஹர்பஜன் சிங், சுரேஷ் ரெய்னா, ஷிகர் தவான், கிறிஸ் கெய்ல், ஏபி டி வில்லியர்ஸ், பிரட் லீ போன்ற பல முன்னாள் ஜாம்பவான்கள் மீண்டும் களமிறங்குகின்றனர். இது கிரிக்கெட் ரசிகர்களுக்கு பழைய நினைவுகளை மீண்டும் கொண்டு வரும் ஒரு பொன்னான வாய்ப்பாகும்.

போட்டிகள் நடைபெறும் இடங்கள்:

2025 வேர்ல்டு சாம்பியன்ஷிப் ஆஃப் லெஜண்ட்ஸ் தொடரின் அனைத்து போட்டிகளும் இங்கிலாந்தின் புகழ்பெற்ற மைதானங்களான எட்ஜ்பாஸ்டன் (பிர்மிங்காம்), கவுண்டி கிரவுண்ட் (நார்தாம்ப்டன்), கிரேஸ் ரோடு (லீசெஸ்டர்) மற்றும் ஹெட்டிங்லி (லீட்ஸ்) ஆகியவற்றில் நடைபெறுகின்றன.

இந்தியா சாம்பியன்ஸ் அணி:

கடந்த ஆண்டு சாம்பியன் பட்டம் வென்ற இந்தியா சாம்பியன்ஸ் அணிக்கு இந்த முறையும் யுவராஜ் சிங் தலைமை தாங்குகிறார். ஷிகர் தவான், ராபின் உத்தப்பா, அம்பாதி ராயுடு, யூசுப் பதான் போன்ற சிறந்த பேட்ஸ்மேன்களும், இர்பான் பதான் மற்றும் ஸ்டூவர்ட் பின்னி போன்ற ஆல்-ரவுண்டர்களும், ஹர்பஜன் சிங், வினய் குமார், பியூஷ் சாவ்லா போன்ற திறமையான பந்துவீச்சாளர்களும் அணியில் இடம்பெற்றுள்ளனர்.

முழு போட்டி அட்டவணை (இந்திய நேரப்படி):

1. ஜூலை 18 - இங்கிலாந்து vs பாகிஸ்தான் - எட்ஜ்பாஸ்டன் - இரவு 9 மணி

2. ஜூலை 19 - வெஸ்ட் இண்டீஸ் vs தென்னாப்பிரிக்கா - எட்ஜ்பாஸ்டன் - மாலை 5 மணி

3. ஜூலை 19 - இங்கிலாந்து vs ஆஸ்திரேலியா - எட்ஜ்பாஸ்டன் - இரவு 9 மணி

4. ஜூலை 20 - இந்தியா vs பாகிஸ்தான் - எட்ஜ்பாஸ்டன் - இரவு 9 மணி

5. ஜூலை 22 - இந்தியா vs தென்னாப்பிரிக்கா - நார்தாம்ப்டன் - மாலை 5 மணி

6. ஜூலை 22 - இங்கிலாந்து vs வெஸ்ட் இண்டீஸ் - நார்தாம்ப்டன் - இரவு 9 மணி

7. ஜூலை 23 - ஆஸ்திரேலியா vs வெஸ்ட் இண்டீஸ் - நார்தாம்ப்டன் - இரவு 9 மணி

8. ஜூலை 24 - இங்கிலாந்து vs தென்னாப்பிரிக்கா - லீசெஸ்டர் - இரவு 9 மணி

9. ஜூலை 25 - பாகிஸ்தான் vs தென்னாப்பிரிக்கா - லீசெஸ்டர் - இரவு 9 மணி

10. ஜூலை 26 - இந்தியா vs ஆஸ்திரேலியா - லீட்ஸ் - மாலை 5 மணி

11. ஜூலை 26 - பாகிஸ்தான் vs வெஸ்ட் இண்டீஸ் - லீட்ஸ் - இரவு 9 மணி

12. ஜூலை 27 - தென்னாப்பிரிக்கா vs ஆஸ்திரேலியா - லீட்ஸ் - மாலை 5 மணி

13. ஜூலை 27 - இந்தியா vs இங்கிலாந்து - லீட்ஸ் - இரவு 9 மணி

14. ஜூலை 29 - ஆஸ்திரேலியா vs பாகிஸ்தான் - லீசெஸ்டர் - மாலை 5 மணி

15. ஜூலை 29 - இந்தியா vs வெஸ்ட் இண்டீஸ் - லீசெஸ்டர் - இரவு 9 மணி

16. ஜூலை 31 - முதல் அரையிறுதி - எட்ஜ்பாஸ்டன் - மாலை 5 மணி

17. ஜூலை 31 - இரண்டாவது அரையிறுதி - எட்ஜ்பாஸ்டன் - இரவு 9 மணி

18. ஆகஸ்ட் 2 - இறுதிப் போட்டி - எட்ஜ்பாஸ்டன் - இரவு 9 மணி

நேரடி ஒளிபரப்பு:

இந்த தொடரின் அனைத்து போட்டிகளையும் ஸ்டார் ஸ்போர்ட்ஸ் தொலைக்காட்சியிலும், ஃபான்கோட் (Fancode) செயலியிலும் நேரடியாக காணலாம்.

ரவுண்ட்-ராபின் லீக் முறையைத் தொடர்ந்து நாக்-அவுட் சுற்றுகள் நடைபெறும் இந்தத் தொடரில், ஒவ்வொரு அணியும் மற்ற அணிகளுடன் தலா ஒரு முறை மோதும். புள்ளிப்பட்டியலில் முதல் நான்கு இடங்களைப் பிடிக்கும் அணிகள் அரையிறுதிக்கு முன்னேறும். கடந்த ஆண்டு இறுதிப் போட்டியில் பாகிஸ்தானை வீழ்த்தி இந்தியா சாம்பியன்ஸ் பட்டம் வென்றது குறிப்பிடத்தக்கது.