ஒப்பிட முடியாது
முன்னாள் ஜாம்பவான் பிரையன் லாரா, விராட் கோலி குறித்து பேசுகையில், ஒரு மனிதர் எப்போது பேட்டிங் செய்ய சென்றாலும், ரன் குவிக்கிறார் என புகழ்ந்து தள்ளினார். எனினும், சச்சினுடன் அவரை ஒப்பிட முடியாது என்றார்.
உதாரண வீரர்
"சச்சின் என்னைப் பொறுத்தவரை எந்த காலத்திலும் சிறந்த பேட்ஸ்மேன். அவருக்கு வாய்ப்பு கிடைத்தது. அதில் அவர் பெரும் சாதனை புரிந்தார். இவர்கள் இருவரையும் நான் ஒப்பிட விரும்பவில்லை. ஆனால், கோலிக்கு சிறப்பான திறமை உள்ளது. இளம் கிரிக்கெட் வீரர்களுக்கு உதாரணமாக இருக்கிறார்"
இயந்திரம்
"அவர் ஒரு இயந்திரம். 80, 90களில் நாங்கள் இருந்ததை காட்டிலும் வித்தியாசமான கிரிக்கெட் வீரரை அவர் எடுத்து வந்துள்ளார். உடற்தகுதி முக்கியம் தான். ஆனால், இப்போது உள்ளது போல எப்போதும் அது முக்கியமானதாக இருந்ததில்லை"
ரன் மெஷின்
"இப்போது ஆடும் கிரிக்கெட் அளவிற்கு, நீங்கள் எப்போதும் உடற்தகுதியுடன் இருக்க வேண்டும். கோலி ஜிம்மில் பயிற்சி செய்து, உடற்தகுதி தான் ஒரே வழி காட்டி வருகிறார். அவர் ஒரு ரன் மெஷின்" என்று கூறி முடித்தார் லாரா.