வாய்ப்பு கடினம்
ஐபிஎல் தொடரில் விஜய் ஷங்கர் பெரியளவில் ரன் குவிக்கவில்லை. அவரது பந்துவீச்சும் பெரிய அளவில் எடுபடவில்லை. இதனால், உலகக்கோப்பை அணியில் இடம் பெற்றாலும் விஜய் ஷங்கருக்கு அணியில் ஆடும் வாய்ப்பு கிடைப்பது கடினம் என கூறப்பட்டது.
ராகுலுக்கு வாய்ப்பு
இந்திய அணியின் பேட்டிங் வரிசையில் விஜய் ஷங்கர் நான்காம் இடத்தில் ஆடுவார் என முன்பு கூறப்பட்டது. அவரது மோசமான ஐபிஎல் பார்ம் காரணமாக அந்த இடம் ஐபிஎல் தொடரில் அதிரடியாக ரன் குவித்த துவக்க வீரர் ராகுலுக்கு வழங்கப்படும் என்ற கருத்து இருந்தது.
ராகுல் ஏமாற்றினார்
அதற்கேற்ப, பயிற்சிப் போட்டிக்கு முன் காயமடைந்த விஜய் ஷங்கருக்கு பதிலாக, ராகுல் நான்காம் இடத்தில் பேட்டிங் செய்தார். ஆனால், அவர் வெறும் 6 ரன்களில் ஆட்டமிழந்து ஏமாற்றினார்.
சாதகமான சூழல்
ராகுலுக்கு அடுத்து அந்த இடத்தில் பேட்டிங் செய்யக் காத்திருப்பவர் தினேஷ் கார்த்திக். பயிற்சிப் போட்டியில் தினேஷ் கார்த்திக் 4 ரன்கள் மட்டுமே எடுத்து ஆட்டமிழந்து ஏமாற்றினார். ஆக, தினேஷ் கார்த்திக், ராகுல் இருவரும் முதல் பயிற்சிப் போட்டியில் சரியாக ஆடாதது விஜய் ஷங்கருக்கு சாதகமாக மாறி இருக்கிறது.
ரூட் கிடைத்துவிடும்
தற்போது கையில் ஏற்பட்டுள்ள காயத்தில் இருக்கும் விஜய் ஷங்கர், இரண்டாம் பயிற்சிப் போட்டியிலும் ஆடமாட்டார் என்றே தெரிகிறது. அந்தப் போட்டியிலும் தினேஷ் கார்த்திக் - ராகுல் சரியாக ரன் குவிக்கவில்லை என்றால் விஜய் ஷங்கருக்கு பயிற்சிப் போட்டியில் ஆடாமலேயே உலகக்கோப்பை போட்டிகளில் விளையாட ரூட் கிடைத்துவிடும்.