கேப்டவுன் வீட்டுக்குப் பின்னால் காட்டுத் தீ.. பதட்டத்தில் ஸ்டெயின், டூபிளஸ்ஸிஸ்!

வீட்டுக்குப் பின்னாடி தீ

இதுகுறித்து அவர் டிவிட்டரில் வெளியிட்டுள்ள கருத்தில், கேப்டவுன், ஸ்டோன்ஹர்ஸ்ட் பகுதியில் எனது வீட்டுக்குப் பின்னால் காட்டுத் தீ. அனைவரும் பாதுகப்பாக இருங்கள். வன விலங்குகள் வெளியேறி வரலாம். கவனம் தேவை என்று கூறியுள்ளார்.

எங்க வீட்டுக்குப் பக்கத்திலும் தீ

அதேபோல பாப் டூ பிளஸ்ஸிஸும் இதே கவலையை வெளியிட்டுள்ளார். அவர் விடுத்துள்ள டிவிட்டில் என்னோட புதிய வீட்டுக்கு அருகே காட்டுத் தீ பரவி வருகிறது. சீக்கிரமே தீயை அணைத்து விடுவார்கள் என நம்புகிறேன் என்று கூறியுள்ளார்.

பதட்டத்தில் ஸ்டெயின்

முன்னதாக அயர்லாந்து போட்டி குறித்து செய்தியாளர்களிடம் ஸ்டெயின் பேசுவார் என்று அறிவி்க்கப்பட்டிருந்தது. ஆனால் கடைசி நேரத்தில் அவருக்குப் பதில் பர்ஹான் பஹர்தீன் வந்து பேசினார். ஸ்டெயின் பதட்டமாக இருப்பதாக பேச்சு அடிபட்டது.

காய்ச்சலில் விழுந்து

சில நாட்களுக்கு முன்புதான் காய்ச்சலில் விழுந்து எழுந்தார் ஸ்டெயின். பின்னர் நடந்த போட்டியில் இந்திய வீரர்கள் அவரது பந்து வீச்சை அடித்து நொறுக்கினர்.

அனுபவித்து ஆடுங்கப்பா

அயர்லாந்து போட்டியின்போது ஸ்டெயினோ, டூபிளஸ்ஸிஸ்ஸோ காட்டுத் தீ குறித்த கவலையுடன் ஆட மாட்டார்கள், போட்டியை அனுபவித்து ஆடுவார்கள் என்று பஹர்தீன் நம்பிக்கை தெரிவித்துள்ளார்.

சாதனை ஸ்டெயின்

2005ம் ஆண்டு தனது முதல் ஒரு நாள் போட்டியில் ஆடினார் ஸ்டெயின். இதுவரை 99 ஒரு நாள் போட்டிகளில் அவர் 154 விக்கெட்களை வீழ்த்தியுள்ளார். 78 டெஸ்ட் போட்டிகளில் ஆடி 396 விக்கெட்களைச் சாய்த்துள்ளார் என்பது குறிப்பிடத்தக்கது.